30.10.2026 | 11:54
Հայաստանն ու Իրանը քննարկել են արհեստական բանականության և բարձր տեխնոլոգիաների ոլորտում համագործակցության ընդլայնումը
Ըմբշամարտի ԱԱ. Արսեն Հարությունյանը մեկնարկեց վստահ հաղթանակով. ՏԵՍԱՆՅՈՒԹ
30.10.2026 | 11:04
Ղազախստանի մայրաքաղաք Աստանայում ընթացող ազատ ոճի ըմբշամարտի աշխարհի առաջնության երկրորդ մրցումային օրը պայքարը սկսել են Հայաստանի երկու ներկայացուցիչներ՝ Արսեն Հարությունյանը (61 կգ) և Արման Անդրեասյանը (70 կգ):
Եվրոպայի քառակի չեմպիոն, աշխարհի առաջնության քառակի բրոնզե մեդալակիր Արսեն Հարությունյանը որակավորման փուլում ժամանակից շուտ 10:0 հաշվով վստահ հաղթանակ տարավ մեքսիկացի Դերեկ Գարսիայի նկատմամբ:
1/8 եզրափակիչում 26-ամյա Հարությունյանի մրցակիցը կլինի Ալբանիան ներկայացնող դաղստանցի 33-ամյա ըմբիշ Զելիմխան Աբակարովը:
Եվրոպայի չեմպիոն ու կրկնակի փոխչեմպիոն, աշխարհի առաջնության բրոնզե մեդալակիր Արման Անդրեասյանը կմեկնարկի 1/8 եզրափակիչից, որտեղ կմրցի թուրք Ֆերհատ Կիլիցի հետ:
Հոկտեմբերի 30-ին մրցագորգ է դուրս գալու նաև Վազգեն Թևանյանը (65 կգ), որը կարիերայում առաջին անգամ նվաճել է աշխարհի առաջնության եզրափակիչի ուղեգիր: Հայ ըմբիշն աշխարհի չեմպիոնի կոչումը կվիճարկի ամերիկացի Բո Բասեթի հետ:
Ազատ ոճի ըմբշամարտի Հայաստանի հավաքականը մրցավայր է մեկնել 6 ըմբիշով: Մանվել Խնձրցյանը (57 կգ), Նարեկ Հարությունյանը (74 կգ) և Հրայր Ալիխանյանը (79 կգ) պայքարի մեջ կմտնեն հոկտեմբերի 31-ին:
Դավիթ Եղիազարյան
