29.04.2026 | 18:06
Միրզոյանը և Բարոն քննարկել են Հայաստան-Ֆրանսիա ռազմավարական գործընկերության խորացումն ու Մակրոնի այցը
Հայաստանի ԶՈՒ-ն համալրվում է հնդկական արտադրության Konkurs-M հակատանկային կառավարվող հրթիռներով․IDRW
30.11.2022 | 15:20
Հայաստանի ԶՈՒ-ը համալրվում է հնդակական արտադրության հակատանկային հրթիռներով։ Այս մասին հայտնում է հնդկական IDRW մասնագիտացված պորտալը։ Լրատվամիջոցը գրում է, որ Հայաստանը, ինչպես նախկին Խորհրդային Միության կազմի հանրապետություններից շատերը, շահագործում է մեծ քանակությամբ խորհրդային ժամանակաշրջանի զենքեր, այդ թվում՝ հակատանկային հրթիռներ։ Վերջին ժամանակներում դրանց մի մասը ձեռք է բերվել Հնդկաստանից․ խոսքը Bharat dynamics limited ընկերության Konkurs-M հակատանկային կառավարվող հրթիռների մասին է, որոնք արտադրվում են Ռուսաստանի արտոնագրով։
Konkurs-M-ը երկրորդ սերնդի հակատանկային հրթիռ է, որը կարող է օգտագործվել ծանր զրահամեքենաների, ամրաշինական կառույցների, ոչ մեծ արագությամբ թռչող ռազմական ուղղաթիռների խոցման համար։ Մինչ այս, Հնդկաստանի զինված ուժերին մատակարարվել է այս տեսակի շուրջ 15 000 հրթիռ։
Հավելենք, որ հնդկական մամուլում վերջին շրջանում պարբերաբար տեղեկություններ են տարածվում Հայաստանի կողմից տարատեսակ զինատեսակների գնումների վերաբերյալ։ Ավելի վաղ հնդկական ԶԼՄ-ները հայտնել էին, որ Հայաստանը 250 մլն դոլարի զենքի ու զինամթերքի գնման պայմանագրեր է կնքել Հնդկաստանի հետ։
Էմմա Չոբանյան
