01.11.2024 | 23:19
Հրդեհ Գյումրու տներից մեկում
Ջրի գինը կբարձրանա․ Վահե Հակոբյանի կուսակցությունը լքում է ԱԺ-ն․ Լուրեր
Քաղաքականություն
29.11.2022 | 17:01
- Հայաստանում հունվարի 1-ից ջրի սակագինը կբարձրանա 8,42 դրամով` 200 դրամից դառնալով 208,42 դրամ։ Հանրային ծառայությունները կարգավորող հանձնաժողովն այսօրվա նիստում միաձայն ընդունել է ջրի սակագնի բարձրացման վերաբերյալ նախագիծը։
- ԱԺ ընդդիմադիր Հայաստան խմբակցության կազմի մեջ մտնող «Վերածնվող Հայաստան» կուսակցությունը հայտարարություն է տարածել, որ դադարեցնում է գործունեությունը Ազգային ժողովում։ Կուսակցության անդամ չորս պատգամավորներից երեքը՝ Վահե Հակոբյանը, Հռիփսիմե Ստամբուլյանն ու Ելենա Կիրակոսյանը դիմում են ներկայացրել` իրենց մանդատներից հրաժարվելու վերաբերյալ: Չորրորդը Զեմֆիրա Միրզոևան է, որը որպես ազգային փոքրամասնության ներկայացուցիչ կշարունակի պատգամավորական գործունեությունը՝ ժամանակավորապես սառեցնելով կուսակցության անդամակցությունը։ Հայտարարության համաձայն՝ «Վերածնվող Հայաստան» կուսակցությունը շարունակելու է իր գործունեությունը ընդդիմադիր դաշտում։
- Կենսաթոշակի և նպաստի 10% հետվճարի ծրագրի շրջանակում հոկտեմբեր ամսին անկանխիկ գործարքներ է կատարել շուրջ 50,000 կենսաթոշակառու և նպաստառու․ վերջիններս կատարած գործարքների դիմաց ստացել են ընդհանուր առմամբ շուրջ 168 մլն դրամ հետվճար։ Այս մասին հայտնել է ՀՀ աշխատանքի և սոցիալական հարցերի նախարարությունից:
Այս ժամի լուրերը՝ տեսանյութում։
