13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
Իրանում արևմտյան երկրների քաղաքացիներ են ձերբակալվել անկարգություններին մասնակցելու կասկածանքով
Քաղաքականություն
28.11.2022 | 15:51
Իրանի իրավապահ մարմինները ձերբակալել են արևմտյան երկրների քաղաքացիների, հայտարարել է Իրանի ԱԳՆ պաշտոնական ներկայացուցիչ Նասեր Քանաանին, գրում է ՌԻԱ Նովոստին։ «Արևմուտքի զգալի թվով քաղաքացիներ ներկա են եղել և ներգրավված են եղել անկարգություններին, նրանցից մի քանիսը ձերբակալվել են», – Քանաանիի խոսքերն է մեջբերում IRNA-ն:
Իրանում սեպտեմբերի կեսերից շարունակվում են զանգվածային անկարգություններն ու բողոքի ցույցերը՝ կապված իրանցի երիտասարդ կնոջ՝ Մահսա Ամինիի սպանության հետ։ Երիտասարդ կինը մահացել էր ոստիկանական բաժանմունք տեղափոխվելուց հետո։ Փողոցային անկարգություններ հիմնականում տեղի են ունենում Գիլան, Խուզեստան, Սիստան, Բելուջիստան, Թեհրան և Քրդստան նահանգներում։
Իրանի իշխանությունները արևմտյան երկրներին մեղադրում են ցուցարարներին աջակցելու, Իրանում իշխանությունը տապալելու կոչերի մեջ։
Տաթև Ֆռանգյան
