16.11.2024 | 16:41
Հայաստանի ազգային հավաքականը մեկնել է Lատվիա
Իրաքի վարչապետը պատասխանել է թուրք պաշտոնյաներին
Քաղաքականություն
06.06.2018 | 16:10
Իրաքի վարչապետ Հայդար ալ-Աբադին անդրադարձել է թուրք պաշտոնյաների կողմից արված այն հայտարարություններին, որոնք վերաբերում են Հյուսիսային Իրաքում գտնվող Քանդիլի ուղղությամբ ռազմական գործողություն իրականացնելու հավանականությանը. տեղեկացնում է ermenihaber-ը:
Ըստ նրա՝ նմանատիպ հայտարարություններով Թուրքիայի իշխանությունները նպատակ ունեն հունիսի 24-ին անցկացվելիք համապետական ընտրություններից առաջ լայն զանգվածների աջակցությունը ստանալ:
«Մենք չենք կարող ընդունել Իրաքի ինքնիշխանության խախտմանը միտված որևէ գործողություն»,-շեշտել է Իրաքի վարչապետը:
Նշենք, որ Թուրքիայի ներքին գործերի նախարար Սուլեյման Սոյլուն հայտարարել էր, որ «Քուրդիստանի բանվորական կուսակցության» (PKK-ՔԲԿ) ղեկավարության կենտրոն Քանդիլի դեմ ռազմական օպերացիայի իրականացումն ընդամենը ժամանակի հարց է:
Մեկ այլ պաշտոնյա՝ Թուրքիայի փոխվարչապետ և կառավարության խոսնակ Բեքիր Բոզդաղը, հայտարարել էր, որ Թուրքիայի զինուժը անհարժեշտության դեպքում կշարունակի ռազմական գործողությունները Քանդիլում:
