27.04.2026 | 15:48
Չեխիան մտադիր է գազ գնել Ադրբեջանից
Երիտասարդական հիմնադրամում աուդիտ կանցկացվի․ Արայիկ Հարությունյան․ ՏԵՍԱՆՅՈՒԹ
Հասարակություն
05.06.2018 | 15:47
Ազգային ժողովի «Ելք» խմբակցության պատգամավոր Լենա Նազարյանն այսօր ՀՀ ԿԳ նախարար Արայիկ Հարությունյանից հետաքրքվեց՝ ինչպես է վերջինս վերաբերվում այն հանգամանքին, որ Հայաստանի երիտասարդական հիմնադրամը տարիներ շարունակ տնօրինել է մեծ գումարներ։
Պատգամավորի հարցին ի պատասխան ՝ Արայիկ Հարությունյանը նշեց, որ տարօրինակ է, որ հիմնադրամի որևէ տնօրեն մեկ օրում կարողացել է ստորագրել և վերցնել 320 մլն դրամ։ «Սա իրավապահ մարմինները քննում են։ Առաջիկայում պատրաստվում ենք նախաձեռնել խորհրդի նիստ, հիմնադրամում պետք է իրականացվի նաև աուդիտ»,- ասաց նախարարը։
Արայիկ Հարությունյանը նաև նշեց, որ այս հիմնադրամը երկու տասնյակ տարի եղել է ՀՀԿ երիտասարդներին ներգրավելու ամենակարևոր օղակներից մեկը, իսկ համալսարանները հարյուրավոր միլիոն դրամներ են փոխանցել հիմնադրամին։
Ինչ վերաբերում է արդեն բացահայտված 320 մլն դրամին, նախարարը նշեց, որ այն պետք է վերականգնվի։
Մանրամասները՝ տեսանյութում:
