09.10.2026 | 21:13
Ադրբեջանի դպրոցներում աշակերտները բողոքի ակցիաներ են անցկացրել հիջաբ կրելու արգելքի դեմ․ ՏԵՍԱՆՅՈՒԹ
Էստոնիայի խորհրդարանը ՌԴ-ն «ահաբեկչությունը հովանավորող պետություն» է ճանաչել
Քաղաքականություն
18.10.2022 | 17:15
Էստոնիայի խորհրդարանը հավանություն է տվել ուկրաինական տարածքների բռնակցումը դատապարտող և Ռուսաստանին ահաբեկչությունը հովանավորող պետություն հռչակող բանաձևին։ Հայտարարությանը կողմ է քվեարկել 88 պատգամավոր, ձեռնպահ կամ դեմ ձայներ չեն եղել, գրում է currenttime.tv-ն։
«Աջակցելով Ուկրաինայի խորհրդարանի կոչին՝ ուղղված միջազգային կազմակերպություններին ու պետություններին, Ռիյգիկոգուն ռուսական ռեժիմը հռչակում է ահաբեկչական, իսկ Ռուսաստանը՝ ահաբեկչությունը հովանավորող պետություն, որի գործողություններին պետք է համատեղ դիմադրություն»,- ասվում է փաստաթղթում։
Նշվում է, որ Էստոնիան երբեք չի ճանաչի Ուկրաինայի տարածքային ամբողջականության խախտումը ագրեսիայի և կեղծված հանրաքվեների անցկացման արդյունքում։
«Երբեք հնարավոր չէ օրենք ստեղծել օրինազանցության միջոցով: Պուտինյան ռեժիմը, սպառնալով միջուկային զենքով, Ռուսաստանը դարձրեց խաղաղության ամենամեծ սպառնալիքը ինչպես Եվրոպայում, այնպես էլ ամբողջ աշխարհում»,- ասվում է բանաձևում։
Էստոնիան նաև կոչ է անում հատուկ միջազգային տրիբունալ՝ ագրեսիայի մեղավորներին պատասխանատվության ենթարկելու համար։
Էմմա Չոբանյան
