16.09.2026 | 15:28
Մինսկն ազատ է արձակել 25 քաղբանտարկյալի․ ի պատասխան՝ ԱՄՆ-ն կչեղարկի բելառուսական 2 ընկերությունների դեմ պատժամիջոցները
Բելառուսում 9․000 ռուս զինվորական կտեղակայվի
Քաղաքականություն
18.10.2022 | 19:41
Բելառուսը ռուս-բելառուսական նոր միացյալ զորախմբի կազմում իր տարածքում կտեղակայի 9․000 ռուս զինծառայողի և 170 տանկ։ Այս մասին հայտնել են Բելառուսի Պաշտպանության նախարարության ներկայացուցիչները, գրում է VOA-ն։
Բելառուսի ղեկավար Ալեքսանդր Լուկաշենկոն միացյալ խմբավորման ձևավորման մասին հայտարարել է անցյալ շաբաթ։ Նրա խոսքով՝ այն ստեղծվել է ի պատասխան Ուկրաինայի՝ հյուսիսային հարևանի վրա հարձակվելու մտադրության։
Լուկաշենկոյի հայտարարությունները մտավախություններ են առաջացրել, որ համատեղ խմբավորումը կհարձակվի Ուկրաինայի վրա հյուսիսից՝ խաթարելու միջանցքները, որոնցով երկիր է հասցվում արևմտյան զենքը։ Բելառուս զինվորականների ներկայացուցիչները, սակայն, պնդում են, որ խմբավորումը ստեղծվում է բացառապես պաշտպանական նպատակներով։
Տաթև Ֆռանգյան
