Հաղորդաշարեր
15.10.2022 | 21:02Factor TV-ի A-politic հաղորդաշարի հյուրն է գրող, լրագրող Մարկ Գրիգորյանը: Նրա կարծիքով՝ իրենց անցյալին պետք է առերեսվեն ոչ միայն թուրքերը, այլև մյուս բոլոր ազգերը, նաև մենք՝ հայերս: Դա ենթադրում է սեփական պատմական պատասխանատվության գիտակցում, որը բարդ խնդիր է, քանի որ զոհ լինելը շատ ավելի հարմար դիրք է: Միայն պատասխանատվություն ստանձնելով կարելի է խոսել ապագայի մասին, մինչդեռ Հայաստանում ապագայի թեմայով խոսակցությունը մշտապես հանգում է Ցեղասպանությանը և պատերազմներին:
Աշխարհի ներկայիս անկայուն վիճակը գրողը բացատրում է նրանով, որ 20-րդ դարի արյունալի պատերազմներից հետո անգամ պետությունների ղեկավարները և քաղաքական գործիչները չեն հասկացել, որ հողն ինքնին արժեք չունի: Արժեք են ներկայացնում մարդիկ, որոնք ապրում են այդ հողի վրա և իմաստալից են դարձնում տվյալ ազգի գոյությունը: Դա պետք է հասկանան ոչ միայն Հայաստանում, այլև հարևան երկրներում և մեծ տերություններում որոշումներ ընդունողները: Այդ առումով հաղորդման հյուրը կարծում է, որ պարտություններն ավելի շատ բան են սովորեցնում ազգերին, քան հաղթանակները:
Հիշելով 1920-ական թվականներին Հայաստանի վերածնունդը՝ Մարկ Գրիգորյանը նշում է, որ այն ժամանակվա կոմունիստական ղեկավարները հասկանում էին, որ նոր Հայաստան հնարավոր է կերտել միայն զարգացած, կրթված մարդկանց՝ էլիտայի օգնությամբ: Ըստ գրողի՝ այդ գիտակցությունը կար, որովհետև իրենք՝ այդ ղեկավարները, նույնպես կրթված մարդիկ էին:
Մանրամասները՝ տեսանյութում:
