15.12.2025 | 11:22
Ծիծեռնակաբերդի խճուղու հիմնական փլուզված հատվածը վերականգնվել է․ քաղաքապետարանի պաշտոնյա. ՏԵՍԱՆՅՈՒԹ
ԵԽ պատգամավորները Հայաստանին աջակցող խորհրդանշական ակցիա են իրականացրել
Քաղաքականություն
06.10.2022 | 20:43
Եվրախորհրդարանում մի շարք պատգամավորներ հաջակցություն Հայաստանի խորհրդանշական ակցիա են իրականացրել:
Այսպես՝ բելգիացի քաղաքական գործիչ և գործարար Թոմ Վանդենդրիշեն սոցցանցի իր էջում գրել է, որ ԵՄ-ն չի նկատում քրիստոնյա Հայաստանի վրա իսլամական Ադրբեջանի կողմից դաժան հարձակումը և իր ու «Ինքնություն և ժողովրդավարություն» խմբի պատվիրակության աջակցությունն է հայտնել Հայաստանին։
«Քրիստոնյա Հայաստանը դաժան հարձակման է ենթարկվում իսլամական Ադրբեջանի կողմից։ ԵՄ-ն դա չի նկատում այն ժամանակից ի վեր, երբ Ֆոն դեր Լյայենը սկսեց գազ խնդրել ադրբեջանցիներից։ Մենք «Ինքնություն և ժողովրդավարություն» խմբի պատվիրակության հետ աջակցություն ենք հայտնում Հայաստանին՝ խորհրդանշական ակցիա իրականացնելով Եվրոպական խորհրդարանում»,- ֆեյսբուքյան իր էջում գրել է Եվրախորհրդարանի անդամ Թոմ Վանդենդրիշեն։
Armenië wordt brutaal aangevallen door Azerbeidzjan. De EU kijkt de andere kant uit sinds @vonderleyen daar ging bedelen om gas. Met een symbolische actie in het Europees Patlement drukken we met @IDGroupEP onze steun uit voor Armenië. pic.twitter.com/xVMrQjHzqH
— Tom Vandendriessche (@TomVandendriese) October 5, 2022
Եվրախորհրդարանի «Կանաչներ. Եվրոպական ազատ դաշինք»-ը ևս իր համերաշխությունն է հայտնել Հայաստանի ժողովրդի հետ։ Այս մասին սոցցանցում հրապարակված տեսաուղերձում հայտնել է Եվրախորհրդարանի պատգամավոր Վիոլա ֆոն Կրամոն-Տաուբադելը:
«Կոչ ենք անում կայուն խաղաղության և ռազմական հանցագործությունների անկախ հետաքննության»,- Twitter-ի իր միկրոբլոգում նշել է պատգամավորը:
#StandWithArmenia 🇦🇲
Our group in the European Parliament is in full solidarity with the people of Armenia.@GreensEFA call for sustainable peace and an independent investigation of war crimes! pic.twitter.com/0VuLnfGL2L— Viola von Cramon 🇺🇦🇪🇺 (@ViolavonCramon) October 5, 2022
Եվրոպացի մեկ այլ պատգամավոր՝ Ջորդի Սոլեն ևս իր աջակցությունն է հայտնել ՀՀ-ին՝ փաստելով, որ ադրբեջանցի զինվորականները ռազմական հանցագործություններ են կատարել։
«Չնայած տեսականորեն գտնվելով Արցախի վերջնական կարգավիճակի շուրջ բանակցությունների և Հայաստանի ու Ադրբեջանի միջև սահմանի սահմանազատման գործընթացում՝ սեպտեմբերի 13-ին ադրբեջանական բանակն օկուպացրել է ինքնիշխան Հայաստանի տարածքը, իսկ նրա զինվորները ռազմական հանցագործություններ են կատարել։
Մենք Հայաստանի կողքին ենք»,- գրել է նա։
Tot i estar teòricament en un procés de negociació sobre l'estatus final d'Artsakh i de delimitació de la frontera entre Armènia i l'Azerbaidjan, el 13 de setembre l'exèrcit àzeri va ocupar territori sobirà armeni i els seus soldats van cometre crims de guerra
Estem amb Armenia✊🏼 pic.twitter.com/JoO2gmMXNt— Jordi Solé🎗🇪🇺 (@jordisolef) October 5, 2022
Լեհ քաղաքական գործիչ Թոմաշ Լեխ Բուչեկն էլ մեկնաբանել է Ադրբեջանի նախագահ Իլհամ Ալևի վերջին գրառումն այն մասին, թե Բաքուն ցանկանում է վերականգնել իր պատմական սահմանները՝ հայտարարելով, որ այդ դեպքում Բաքուն կլինի Հայաստան։
«Ալիևը, կարծես թե, հայատյացություն կոչվող հիվանդություն ունի։ Նա այսօր Twitter-ում գրել է, որ ցանկանում է վերականգնել Ադրբեջանի պատմական սահմանները։ Միակ խնդիրն այն է, որ մինչև 1918 թվականն Ադրբեջան պետություն չկար։ Թող վերականգնի: Բաքուն Հայաստան է»,- Twitter-ում գրել է նա՝ կոչ անելով դադարեցնել հայատյացությունը։
Aliyev seems to have a disease phase called Armenophobia. He wrote on twitter today that he wants to restore the historical borders of Azerbaijan. The only problem is before 1918 there was no Azerbaijan state. Let him restore it. Baku Armenia! #stoparmenofobia pic.twitter.com/WvHLtzZC62
— Tomasz Lech Buczek (@buczek_lech) October 5, 2022
Տաթև Ֆռանգյան
