03.11.2026 | 23:29
Թրամփը հայտարարել է, որ ԱՄՆ-ը կդադարեցնի Իսրայելին տարեկան 4 միլիարդ դոլարի օգնության տրամադրումը
Ռուսաստանը երկու անգամ փորձել է Մոլդովայի օդային տարածքում հարձակվել իմ ինքնաթիռի վրա․ Զելենսկի
Քաղաքականություն
16.09.2026 | 12:59
Ուկրաինայի նախագահ Վլադիմիր Զելենսկին հայտարարել է, որ վերջին շաբաթների ընթացքում Ռուսաստանը երկու անգամ անօդաչու թռչող սարքերով փորձել է հարձակվել իր ինքնաթիռի վրա, երբ այն թռել է Մոլդովայի տարածքով։ Ուկրաինայի նախագահն այս մասին պատմել է CBS News-ին տված հարցազրույցում, գրում է Европейская правда-ն։
Զելենսկին նշել է, որ ռուսական անօդաչու թռչող սարքերը նպատակաուղղված հարձակվել են Մոլդովայի վրա այն ժամանակ, երբ իր ինքնաթիռը գտնվել է այդ երկրի օդային տարածքում։
«Մոլդովայում էր գտնվում իմ նախագահական ինքնաթիռը, և հենց այդ պատճառով նրանք (Ռուսաստանը.) հարձակվեցին Մոլդովայի վրա։ Երբ մենք վերադառնում էինք տուն՝ կրկին Քիշնևի միջոցով, նրանք նույն կերպ վարվեցին»,- ասել է նա։
Նորվեգիայի վարչապետ Յոնաս Գար Սթյորեն ավելի վաղ հայտարարել էր, որ Զելենսկիի ինքնաթիռը Մոլդովայի օդային տարածքում «գրեթե խոցվել է ԱԹՍ-ի կողմից», երբ Ուկրաինայի առաջնորդը մեկնում էր Օսլո։
Զելենսկին CBS News-ին հայտնել է, որ մի քանի օր անց, երբ ինքը Մոլդովայի տարածքով վերադառնում էր Ուկրաինա, մեկ կամ երկու անօդաչու սարք ներխուժել են Մոլդովայի օդային տարածք։ Այս միջադեպի մասին ավելի վաղ չէր հաղորդվել։ Ըստ նրա՝ դա իրեն և այլ օտարերկրյա առաջնորդներին վախեցնելու ռուսական ռազմավարության մի մասն էր։
Ավելի վաղ Մոլդովայի կառավարությունում հաստատել էին, որ Ուկրաինայի նախագահի՝ Մոլդովայից Նորվեգիա մեկնումը հետաձգվել էր երկրի օդային տարածքում անօդաչու սարքերի հայտնվելու պատճառով։
Թարգմանությունը՝ Էմմա Չոբանյանի
