07.05.2024 | 18:08
Փաշինյանը՝ մինչև նոյեմբեր խաղաղության պայմանագիր կնքելու մասին, Զելենսկիի դեմ մահափորձ են ծրագրել․ ԼՈՒՐԵՐ
Միջազգային պատշաճ հետաքննության իրականացումը հրամայական է. ԱԳՆ-ն` Ադրբեջանի իրագործած ռազմական հանցագործության մասին
Քաղաքականություն
02.10.2022 | 14:20
ՀՀ ԱԳՆ-ն հայտարարություն է տարածել Ադրբեջանի ԶՈւ կողմից կատարած պատերազմական հանցագործությունների վերաբերյալ.
Հայտարարության մեջ ասվում է.
Սոցիալական ցանցերում ադրբեջանական օգտատերերի կողմից շարունակաբար տարածվող մի շարք տեսանյութեր փաստում են Ադրբեջանի ԶՈՒ կողմից կատարած պատերազմական հանցագործությունների՝ հայ ռազմագերիների արտադատական սպանությունների, հայ զինծառայողների, այդ թվում կանանց խոշտանգման և դիերի պղծման դեպքերի մասին։
Հայաստանի Հանրապետությունը պահանջում է հստակ գնահատական տալ Ադրբեջանի ԶՈՒ կողմից այս և նախորդող ժամանակահատվածներում իրականացված աղաղակող պատերազմական հանցագործություններին։ Մենք հետամուտ ենք լինելու միջազգային համապատասխան հարթակներում և ատյաններում խնդրի բարձրաձայնմանը, և վերոնշյալ հացագործությունների մեղավորներին ու կազմակերպիչներին պատասխանատվության ենթարկելուն, այդ թվում՝ միջազգային պատժամիջոցների կիրառմամբ։ Այս համատեքստում միջազգային պատշաճ հետաքննության իրականացումը հրամայական է։
Միաժամանակ, միջազգային հանրությունը պարտավոր է մեծացնել Ադրբեջանի նկատմամբ ճնշումը՝ Ադրբեջանում ապօրինաբար պահվող բոլոր հայ ռազմագերիների և քաղաքացիական անձանց անհապաղ հայրենադարձման, բռնի անհետացումների և անհետ կորածների ճակատագրերի բացահայտման համար։
