16.09.2026 | 18:10
Ալեն Սիմոնյանը՝ ռուսական ռազմաբազայի մասին // Նոր Սահմանադրության տեքստը մինչև տարեվերջ կհրապարակվի․ ԼՈՒՐԵՐ
Կիևը չի հարձակվի ՌԴ տարածքի վրա․ Ուկրաինայի պաշտպանության փոխնախարար
Քաղաքականություն
23.09.2022 | 15:31
Ուկրաինան չի հարձակվի ՌԴ տարածքի վրա, այս մասին հայտարարել է երկրի պաշտպանության փոխնախարար Աննա Մալյարը, գրում է korrespondent-ը։
«Մեր խնդիրը մեր տարածքներն ազատագրելն է, մենք ագրեսորներ չենք, զավթիչներ չենք, մենք պաշտպանական պատերազմ ենք վարում, որոնց շրջանակներում կարող են լինել հարձակողական գործողություններ, մենք դա տեսել ենք։ Ի դեպ, եթե մենք խոսում ենք Խարկովի մարզի մի մասին ազատագրման մասին, ուկրաինական բանակն առաջին անգամ իրականացրել է հենց նման հարձակում, դա եզակի է, քանի որ մենք միշտ պատրաստվել ենք պաշտպանության, չենք պատրաստվում հարձակվել որևէ մեկի վրա։ Այժմ մեր դոկտրինն այն է, որ մենք պաշտպանական պատերազմ ենք վարում, ուստի չենք հարձակվելու օտար տարածքների վրա, մենք վերադարձնում ենք մերը»,- ասել է Մալյարը։
Նա հավելել է, որ Ուկրաինան հավատարիմ է միջազգային իրավունքի բոլոր նորմերին։
«Ուկրաինան հավատարիմ է միջազգային իրավունքի բոլոր նորմերին, և մենք դա երաշխավորում ենք մեր կողմից, որ մենք պահպանում ենք դրանք»,- ասել է Մալյարը։ Բանն այն է, որ Կրեմլը պատրաստվում է օկուպացված տարածքներում կեղծ հանրաքվեներ անցկացնել, որից հետո Ռուսաստանի Դաշնությանը «միանալուց» հետո Ուկրաինայի զինված ուժերի կողմից ազատագրման գործողությունները կդիտվեն որպես «հարձակում իրենց տարածքի վրա»։
Տաթև Ֆռանգյան
