18.05.2026 | 09:46
ՃՏՊ Այնթապում․ 4 քաղաքացի հոսպիտալացվել է
ՌԴ մի շարք քաղաքներում մոբիլիզացիայի դեմ ցույցեր են սկսվել․ կան ձերբակալվածներ
Քաղաքականություն
21.09.2022 | 18:11
Ռուսաստանի մի շարք քաղաքներում բողոքի ցույցեր են սկսվել մոբիլիզացիայի դեմ։ Ավելի վաղ նման ակցիաների կոչ էր արել «Վեսնա» երիտասարդական շարժումը, գրում է BBC-ի ռուսական ծառայությունը։
Նշվում է, որ ցուցարարներին ցրելու հաղորդումներ են ստացվում Իրկուտսկից, Ուլան-Ուդեից և Խաբարովսկից։ Wall Street Journal-ի թղթակից Մեթյու Լաքսմորը հայտնում է, որ ակցիաները դեռևս բազմամարդ չեն։
Իրկուտսկի կենտրոնական հրապարակ է դուրս եկել շուրջ 60 մարդ, կան ձերբակալվածներ։ Տոմսկում նույնպես մի քանի մարդ է ձերբակալվել։
Շատերը դուրս են եկել «Ո՛չ մոբիլիզացիային» պաստառներով։ Կանայք պահանջում են ձեռք չտալ իրենց ամուսիններին, որդիներին, եղբայրներին։ Նովոսիբիրսկում ակցիան ցրելու համար դուրս է եկել ՕՄՕՆ-ը։
«ОВД-Инфо»-ի տվյալներով՝ Ուկրաինայում պատերազմի մեկնարկից ի վեր Ռուսաստանում տարբեր հակապատերազմական ակցիաների ժամանակ ձերբակալվել է շուրջ 16․500 մարդ։
Էմմա Չոբանյան
