08.06.2026 | 08:30
Ամփոփվել են 1924 ընտրատեղամասերից ստացված նախնական արդյունքները. ԿԸՀ
2022թ․ նոյեմբերին Երևանում տեղի կունենա ՀԱՊԿ ամենամյա գագաթնաժողովը
Քաղաքականություն
20.09.2022 | 15:56
2022 թվականի նոյեմբերին Երեւանում տեղի կունենա Հավաքական անվտանգության պայմանագրի կազմակերպության ամենամյա գագաթնաժողովը: Օտարերկրյա պետությունների հավատարմագրերի հանձնման արարողության ժամանակ այս մասին հայտնել է ՌԴ նախագահ Վլադիմիր Պուտինը։
«Նոյեմբերին Երևանում տեղի կունենա Հավաքական անվտանգության պայմանագրի կազմակերպության ամենամյա գագաթնաժողով»,- ասել է Պուտինը:
Ավելի վաղ, նա հայտարարել էր, որ ՀԱՊԿ-ի գծով միջոցներ են ձեռնարկվում՝ Հայաստանի և Ադրբեջանի միջև սրացումը նվազեցնելու ուղղությամբ:
Հանդիպման ընթացքում Վլադիմիր Պուտինը նաև հայտարարել է, թե Հայաստանը Ռուսաստանի «մտերիմ ընկերն ու ռազմավարական դաշնակիցն է»։
«Օգտվելով առիթիվ՝ կցանկանայի շնորհավորել եղբայրական հայ ժողովրդին և երկրի կառավարությանը Անկախության օրվա առթիվ։ Այս տարի երկու հիշարժանը տարելից կա՝ դիվանագիտական հարաբերությունների հաստատման 30-ամյակն ու Բարեկամության և փոխօգնության մասին հիմնարար պայմանագրի 25-ամյակը։ Հայաստանն ու Ռուսաստանը ինտենսիվ քաղաքական երկխոսություն են պահպանում»,- ասել է Պուտինը։
