01.11.2024 | 18:26
Թուրքիան ՌԴ-ից ներկրվող բնական գազի համար հատուկ գին է ցանկանում ստանալ
Փաշինյանը ճակատագրական որոշում պիտի՛ ընդունի՝ դո՛ւրս բերեք ՀՀ-ն ՀԱՊԿ-ից․ Անահիտ Ադամյան․ ՏԵՍԱՆՅՈՒԹ
Քաղաքականություն
15.09.2022 | 20:32
«Հանրապետություն» կուսակցությունը հայտարարում է՝ վաղուց հասունացել է ժամանակը, որպեսզի Հայաստանի Հանրապետությունը կասեցնի իր անդամակցությունը ՀԱՊԿ-ին։
«Այդ պարագայում արդեն ՀՀ-ն ԵՄ-ից և ԱՄՆ-ից կարող է ստանալ մեկից չորս միլիարդ դոլարի ռազմական աջակցություն՝ զենք ու զինատեսակներ, զինծառայողներին ժամանակակից պատերազմներ մղելու տեխնոլոգիաներով մարզելու, վարժելու, զինելու մարտավարության ուսուցում։ Մենք դրա կարիքը ունենք։ Դա արել է Ադրբեջանը, ինչից հետո է 2020-ին հարձակվել ՀՀ-ի վրա։ Եթե դա չենք անում, եթե նորից կառչելու ենք ՀԱՊԿ-ից, եթե կառչելու ենք Պուտինի բարի կամքից, մենք ՀՀ-ն տանելու ենք փակուղի և նորից ստեղծելու ենք մի իրավիճակ, երբ հայտնի չէ, թե որ ամսի որ օրը Իլհամ Ալիևը կարթնանա ու կորոշի՝ երբ է հարձակվում ՀՀ-ի կամ ԼՂ-ի սահմանների վրա»,- Factor TV-ին տված հարցազրույցում նշեց «Հանրապետություն» կուսակցության ներկայացուցիչ, հրապարակախոս Անահիտ Ադամյանը։
Նա պահանջում է ՀՀ վարչապետից գնալ կտրուկ լուծումների և «վերջապես կայացնել այդ ճակատագրական որոշումը»։
Հիշեցնենք, որ թեև Հայաստանն Ադրբեջանի ռազմական ագրեսիայից հետո դիմել է ՀԱՊԿ-ին և ՌԴ-ին, այդուհանդերձ, նրանք չեն կատարել ռազմավարական դաշնակցի պարտավորությունները և ռազմական աջակցություն ցույց չեն տվել ՀՀ-ին։ Միայն հաջորդ շաբաթ է ՀՀ ժամանելու ՀԱՊԿ գլխավոր քարտուղար Ստանիսլավ Զասը։ ԱՄՆ-ը և Ֆրանսիան հրապարակային հայտարարություններով Ադրբեջանին թիրախավորել են որպես ՀՀ տարածքների, քաղաքացիական բնակչության նկատմամբ ագրեսիա իրականացրած կողմ և անմիջապես Ալիևին կոչ են արել դուրս հանել զորքերը ՀՀ տարածքներից։
Հարցազրույցն ամբողջությամբ՝ տեսանյութում։
Ռոբերտ Անանյան
