Զորքի հրամանատարը «վիրավորվել», մեզ թողել իջել էր, հետո իմացանք՝ «իբր ա վիրավորվել». վկա․ ՏԵՍԱՆՅՈՒԹ

Երևանի ընդհանուր իրավասության դատարանում ընթանում է 44-օրյա պատերազմի ընթացքում մարտական անգործություն դրևորելու և մարտական դիրքն ինքնակամ լքելու համար մեղադրվող գումարտակի հրամանատար Իշխան Վահանյանի գործով դատական նիստը:

Վահանյանը, ըստ մեղադրանքի, 2020 թվականի հոկտեմբերի 10-ին Հադրութ բնակավայրի Խուռհատ սարի վրա տեղի ունեցած մարտական գործողությունների ընթացքում ինքնակամ լքել է մարտադաշտը՝ իր հետ տանելով նաև վերադաս հրամանատարության հետ կապի միակ միջոցը, ինչի հետևանքով զինծառայողների մի մասը զոհվել է, մի մասը գերեվարվել, մյուսների գտնվելու վայրը անհայտ է:

«Խուռհատ սարի վրա հարձակում եղավ, նորմալ դիրքավորում, հրաման չկար, բոլորը խուճապահար եղան․․․ Նահանջի միասնական ուղղություն երևի չի եղել, ես չեմ իմացել։ Ես տեսել եմ, որ հրամանատարները թեքվել, մտել են անտառ, իրենց հետ մտել եմ»,- նշեց դատարանում որպես վկա հարցաքննվող Հարություն Ավագյանը, ով պատերազմի ժամանակ եղել է ժամկետային զինծառայող։

«Զորքի հրամանատարը «վիրավորվել», մեզ թողել իջել էր, հետո իմացանք՝ «իբր ա վիրավորվել»»,- դատական նիստի ընթացքում ասաց վկա Հարություն Ավագյանը։ -Երբ Խուռհատ սարից իջանք խոսակցություն կար, որ գումարտակի հրամանատար Իշխան Վահանյանը իբր թե վիրավորվել է ու, նստելով մեքենան՝ հեռացել։ Խոսակցություն եղել է, բայց ես չեմ տեսել։ Բոլորն ասում էին, որ ոչ թե իրոք վիրավորվել է, այլ իբր թե վիրավորվել է»։

Մանրամասները՝ տեսանյութում։