01.11.2024 | 23:19
Հրդեհ Գյումրու տներից մեկում
Գործարարը կարող է միտումնավոր ժամկետնանց ապրանք վաճառել․ դա՞ ենք խրախուսում․ ՏԵՍԱՆՅՈՒԹ
Տնտեսություն
12.09.2022 | 10:48
«ՀՀ հարկային օրենսգրքում լրացում կատարելու մասին» օրենքի նախագծի ընդունման արդյունքում ակնկալվում է շահութահարկ վճարողներին հնարավորություն ընձեռել առևտրական գործունեության նպատակով ձեռք բերված խոտան ապրանքը նվազեցնել համախառն եկամտից:
Կառավարության ներկայացրած օրենքի նախագիծն առաջին ընթերցմամբ քննարկվում է ԱԺ հերթական նիստում:
Արման Պողոսյանի խոսքով՝ տնտեսվարողների մոտ կուտակվել է որոշակի քանակի խոտանված արտադրանք․ առաջարկում է այդ պաշարից համախառն եկամտի 2 տոկոսի չափով հարկում անել շահութահարկի բազայից։
ԱԺ տնտեսական հարցերի մշտական հանձնաժողովի անդամ Ծովինար Վարդանյանը ներկայացրեց հանձնաժողովի դրական եզրակացությունը՝ նշելով, որ նախագծի ընդունմամբ գործարար միջավայրը կբարելավվի:
«Գործարարը կարող է միտումնավոր ժամկետնանց ապրանք վաճառել․ դա՞ ենք խրախուսում»,- դիմելով Վարդանյանին՝ հարց հնչեցրեց ՔՊ պատգամավոր Սերգեյ Բագրատյանը՝ ընդգծելով, որ պետք է գնահատել ռիսկերը։
«Եթե, մասնավորապես, դեղերի վաճառքով զբաղվող ընկերությունը ժամկետին մոտ դեղեր ներկրի, մենք փոխանակ մտածելու, որ միգուցեև գործարարը դա միտումնավոր է արել, խրախուսո՞ւմ ենք։ Նախատեսվո՞ւմ է ենթաօրենսդրական կարգավորումներով կարգավորել հնարավոր ռիսկերը»,- հետաքրքրվեց Բագրատյանը։
Մանրամասները՝ տեսանյութում։
