04.11.2026 | 16:07
ՊՍԺ-ն ուշագրավ ցուցանիշ է գրանցել Չեմպիոնների լիգայում
ԱՄՆ-ն պատժամիջոցներ է սահմանել ՌԴ-ին ԱԹՍ-ներ մատակարարած իրանական ընկերության դեմ
Քաղաքականություն
09.09.2022 | 12:25
ԱՄՆ ֆինանսների նախարարությունը հայատարել է, որ պատժամիջոցներ է կիրառել Թեհրանի Safiran Airport Services ընկերության նկատմամբ, որը, ինչպես պնդում են ամերիկյան իշխանությունները, կապված է ՌԴ իրանական անօդաչուների մատակարարման հետ, գրում է Meduza-ն։
ԱՄՆ տվյալներով՝ իրանական այս ընկերությունը «համակարգել է ռուսական ռազմական թռիչքները Իրանի և Ռուսաստանի միջև», այդ թվում՝ կապված իրանական անօդաչու թռչող սարքերի, հարակից սարքավորումների և անձնակազմի տեղափոխման հետ։ ԱՄՆ-ն պնդում է, որ հավաքումից ու փորձարկումից հետո ՌԴ օդատիեզերական ուժերը պատրաստվում են օգտագործել իրանական անօդաչուները ռուսականների հետ Ուկրաինայի դեմ պատերազմում։
«Ռուսաստանը գնալով ավելի հուսահատ ընտրություն է կատարում՝ շարունակելու իր չհրահրված պատերազմն Ուկրաինայի դեմ, հատկապես մեր աննախադեպ պատժամիջոցների և արտահանման վերահսկողության պայմաններում», – ասել է ԱՄՆ ֆինանսների փոխնախարար Բրայան Նելսոնը։
Ֆինանսների նախարարությունը նաև պատժամիջոցներ է սահմանել իրանական անօդաչու թռչող սարքեր արտադրող մի քանի ընկերությունների նկատմամբ։
Էմմա Չոբանյան
