06.08.2026 | 00:46
«Մուլտի գրուպ» կոնցեռնի նախկին տնօրեն Սեդրակ Առուստամյանը 2 ամսով կալանավորվեց
Ադրբեջանն այսօր 5 ռազմագերի է փոխանցելու հայկական կողմին․ ադրեջանական ԶԼՄ-ների տեղեկությունը հայկական կողմն առայժմ չի հաստատում
08.09.2022 | 17:29
Ադրբեջանական լրատվամիջոցները հայտնում են, որ Բաքուն այսօր պատրաստվում է Հայաստանին 5 ռազմագերի փոխանցել։ Նշվում է, որ գործընթացը տեղի է ունենալու Հայաստանի հետ սահմանային կետերից մեկում։ Այլ մանրամասներ չեն հաղորդվում։
ՀՀ ԱԳՆ- մամուլի խոսնակ Վահան Հունանյանը Factor.am-ի հետ զրույցում հայտնեց, որ նման տեղեկատվության չի տիրապետում։ ՀՀ պետական գերատեսչություններից որևէ մեկն առայժմ պաշտոնական հաղորդագրություն չի տարածել, որը կհաստատեր ադրբեջանական կողմի տարածած տեղեկատվությունը։
Հավելենք,որ օգոստոսի 31-ի Բրյուսելյան հանդիպումից հետո ԵԽ նախագահ Շառլ Միշելն իր հայտարարությամբ կարևորել էր հայ ռազմագերիների վերադարձը։ Ավելի վաղ էլ Ադրբեջանը խոստացել էր հայ ռազմագերիների փոխանցել, որն այդպես էլ չէր կատարել։
