09.10.2026 | 21:13
Ադրբեջանի դպրոցներում աշակերտները բողոքի ակցիաներ են անցկացրել հիջաբ կրելու արգելքի դեմ․ ՏԵՍԱՆՅՈՒԹ
Թուրքիան հայտարարել է՝ Ուկրաինայից պարենամթերքով 12 բեռնանավ է դուրս եկել
Քաղաքականություն
04.09.2022 | 20:16
Թուրքիայի պաշտպանության նախարարությունը այսօր՝ սեպտեմբերի 4-ին, հայտնել է, որ Ուկրաինայի նավահանգիստներից դուրս է եկել պարենամթերքով 12 բեռնանավ։
«Ուկրաինայի նավահանգիստներից գյուղատնտեսական արտադրանքի արտահանումն իրականացվում է Համատեղ համակարգող կենտրոնի հսկողության ներքո։ Այսօր առավոտյան Ուկրաինայից դուրս է եկել ևս 12 նավ, որոնք բեռնված են պարենամթերքով»,- ասվում է թուրքական ռազմական գերատեսչության Twitter-ի հաղորդագրության մեջ ։
Գյուղմթերքի արտահանումն իրականացվում է մարդասիրական միջանցքով, այն վերահսկվում է Համատեղ համակարգող կենտրոնի ներկայացուցիչների կողմից։ Նրանք նաև ստուգում են յուրաքանչյուր նավ Բոսֆոր մտնելուց առաջ։ Նմանատիպ միջոցներ են կիրառվում Ուկրաինա մեկնող դատարկ բեռնափոխադրողների նկատմամբ։
Օգոստոսի 1-ից, երբ սկսվեց «պարենային գործարքի» իրականացումը, Ուկրաինայից արտահանվել է մոտ 2 մլն տոննա գյուղմթերք։
