02.03.2026 | 23:40
Հայաստանի մի շարք հասցեներում էլեկտրաներգիայի անջատումներ կլինեն
Զելենսկին հեռախոսազրույց է ունեցել Եվրահանձնաժողովի նախագահի հետ
Քաղաքականություն
04.09.2022 | 19:27
Ուկրաինայի նախագահ Վլադիմիր Զելենսկին այսօր՝ սեպտեմբերի 4-ին, հեռախոսազրույց է ունեցել Եվրահանձնաժողովի նախագահ Ուրսուլա ֆոն դեր Լյաենի հետ, Twitter-ի իր միկրոբլոգում գրել է Զելենսկին։
Զելենսկու խոսքով ՝ հեռախոսազրույցի ընթացքում խոսվել է ԵՄ-ի մակրոֆինանսական օգնության հաջորդ տրանշի շուտափույթ հատկացման մասին: ԶԼՄ-ների տվյալներով՝ սպասվում է, որ հաջորդ շաբաթվա վերջին ԵՄ-ի Էկոնոմիկայի նախարարները Պրահայում կհամաձայնեցնեն Ուկրաինային 5 մլրդ եվրոյի մակրոֆինանսական օգնության աջակցության քաղաքական հռչակագիրը:
Բացի այդ, Զելենսկին նշել է պատժամիջոցների 8-րդ փաթեթի պատրաստման անհրաժեշտությունը, որը պետք է պարունակի նաև ՌԴ քաղաքացիներին վիզաների տրամադրման արգելք: Ինչպես հայտնի է, ԵՄ-ն միայն որոշել է կասեցնել ՌԴ-ի հետ պարզեցված վիզային ռեժիմի մասին համաձայնագիրը, ինչը կբարդացնի ռուսաստանցիների այցերը ԵՄ, բայց չի արգելի նրանց։
Նախագահը նաև հայտնել է, որ ինքը ֆոն դեր Լյայենի հետ համակարգել է Ռուսաստանի կողմից նավթի և գազի վաճառքից եկամուտների ստացման սահմանափակման քայլերը: Քննարկել են նաև Ուկրաինայի անդամակցությունը ԵՄ-ին։
«Քննարկել են Եվրահանձնաժողովի կողմից արագ գնահատական իրականացնելու հնարավորությունները, երբ Ուկրաինան կատարի յոթ հանձնարարականները»,- հայտնել է Զելենսկին իր Twitter-ում:
