27.07.2026 | 23:18
Ոստիկանները ձերբակալել են ապօրինի զենք պահող տղամարդուն
Հնարավոր է` դիվերսիայի հետևանք են. Ղարիբաշվիլին՝ Վրաստանում հաճախակի դարձած հրդեհների մասին
Քաղաքականություն
29.08.2022 | 22:34
Վրաստանի վարչապետ Իրակլի Ղարիբաշվիլին չի բացառել, որ երկրում հաճախակի բռնկվող հրդեհները դիվերսիայի հետևանք են։
Aliq Media-ն գրում է, որ նրա խոսքով՝ նկատի առնելով երկրի ներսում գործող «ավերիչ ուժերը», հետաքննությունը պետք է աշխատի բոլոր վարկածների ուղղությամբ։
«Կասկածելի է, որ հրդեհներ են եղել միաժամանակ մի քանի թաղամասերում ու մարզերում: Շատ հրդեհների դեպքում զգացվում էր, որ գուցե անզգուշությունից, շոգից է եղել։
Վարկած կա, որ դա կարող է դիվերսիա լինել։ Ոչինչ չի բացառվում, հետաքննությունը պետք է աշխատի բոլոր ուղղություններով», — կառավարության նիստում ասել է Իրակլի Ղարիբաշվիլին։
Նշենք, որ վերջին շաբաթների ընթացքում երկրում աճել է հրդեհների թիվը, անտառային հրդեհները` ներառյալ։
