25.06.2026 | 22:47
Հայաստանը և Իրանը կարևորել են 400 կՎ էլեկտրահաղորդման գծի շուտափույթ ավարտը
Ուկրաինան և Մոլդովան երկաթուղային հաղորդակցություն են գործարկել՝ շրջանցելով Մերձդնեստրը
Քաղաքականություն
22.08.2022 | 17:51
Ուկրաինան և Մոլդովան երկաթուղային հաղորդակցություն են գործարկել՝ շրջանցելով Մերձդնեստրը։ Ուկրաինայի ենթակառուցվածքների նախարար Ալեքսանդր Կուբրակովը հայտարարել է, որ աշխատանքն է սկսել ամբողջությամբ վերանորոգված Բերեզինո-Բասարաբեասկա երկաթուղային հատվածը։
Նշվում է, որ երկաթուղին փակ է եղել գրեթե 25 տարի։ Այն վերականգնվել է Դնեստրի գետաբերանի վրայով անցնող կամրջի վրա ՌԴ զորքերի մշտական հարձակումների ֆոնին։
«Այժմ կա այլընտրանք․ Օդեսայի և Դանուբի նավահանգիստների՝ Ռենի և Իզմաիլի հաղորդակցության համար գլխավոր երթուղիները հուսալիորեն կապված են երկաթգծային հաղորդակցությամբ։ Հուսով ենք, որ կկարողանանք այս հատվածում միջինում հասնել տարեկան 10 միլիոն տոննա բեռնափոխադրման»,- ընդգծում է Կուբրակովը։
Ուկրզալիզնիցիայում նշել են, որ երկուշաբթի օրը վերակառուցված հատվածով մեկնել է առաջին բեռնատար գնացքը։ Ուկրաինացի երկաթուղայինները միջազգային նախագիծն իրականացրել են ժամանակից շուտ։ Նրանք Ուկրաինայի տարածքում վերականգնել են ավելի քան 22 կմ ենթակառուցվածք ու ևս 1,2 կմ ճանապարհ Մոլդովայի հետ պայմանագրի շրջանակում՝ այդ երկրի տարածքում։
Տաթև Ֆռանգյան
