23.03.2026 | 23:28
«Դեմոկրատները սա պատերազմ են անվանում, մենք դա կոչում ենք ռազմական գործողություն»․ Թրամփը՝ Իրանի հետ հակամարտության մասին
Նեղացած են ժողովուրդը, իրերն են հավաքում, բայց դեռ չեն գնացել․ իրավիճակն Աղավնոյում․ ՏԵՍԱՆՅՈՒԹ
10.08.2022 | 18:00
«Նեղացած են ժողովուրդը, ծանր վիճակի մեջ ենք, չգիտենք՝ ինչ ասենք»,- Factor TV-ի հետ զրույցում ասաց Աղավնոյի գյուղապետ Անդրանիկ Չավուշյանը։
Աղավնոյում մոտ 200 բնակիչ կա և, ըստ Չավուշյանի, մարդիկ դեռ չեն կողմնորոշվում, թե ուր են գնալու, բայց մեծ մասն ուզում է Հայաստան տեղափոխվել։
«Տարհանումը պետական մակարդակով է կազմակերպվելու, առայժմ դպրոցի տարհանումն է իրականացվում, խաչքարերն արդեն Արցախ են տեղափոխվել։ Մարդկանցից դեռ հեռացողներ չկան, պատրաստվում են, բայց հեշտ չի հեռանալը, կյանքը այստեղ թողնելն ու հեռանալը, հեշտ չէ»,- նշեց Չավուշյանը։
Նա նաև տեղեկացրեց, որ ԱՀ Տարածքային կառավարման և ենթակառուցվածքների նախարարությունից իրենցից ցուցակներ են ուզել, թե ով ուր է ուզում տեղափոխվել, որպեսզի կարողանան բնակության հարցը լուծել, սակայն վերջնական ցուցակներ դեռ չունեն։
Մանրամասները՝ տեսանյութում։
Սաթենիկ Հայրապետյան
