08.06.2026 | 08:30
Ամփոփվել են 1924 ընտրատեղամասերից ստացված նախնական արդյունքները. ԿԸՀ
Ուկրաինական հացահատիկով նավերի անվտանգությունը կհսկի 3 երկիր․Լավրով
Տնտեսություն
25.07.2022 | 14:07
ՌԴ ԱԳ նախարար Սերգեյ Լավրովը հայտնել է, որ Սև ծովում հացահատիկով բեռնված ուկրաինական նավերի անվտանգությունը Ռուսաստանից ու Թուրքիայից բացի, ապահովելու է ևս մեկ երկիր, գրում է Meduza-ն։ Նա չի մանրամասնել,թե որ երկրի մասին է խոսքը։
«Ստամբուլում մեզ հաջողվեց հասնել համաձայնության՝ Ուկրաինան զբաղվում է ականզերծմամբ, նավերը բաց է թողնում բաց ծով, Ռուսաստանը, Թուրքիան և ևս մեկ մասնակից, որը որոշվելու է, ուղեկցելու է այն մինչև Բոսֆոր»,- ասել է Լավրովը։
Հիշեցնենք, որ ուկրաինական հացահատիկի արտահանման մասին համաձայնագիրը ստորագրվել էր հուլիսի 22-ին Ստամբուլում։ Ռուսաստանն ու Ուկրաինան նույն փաստաթուղթը չէին ստորագրել, փոխարենը կողմերից յուրաքանչյուրը առանձին պայմանագրեր էր ստորագրել ՄԱԿ-ի ու Թուրքիայի հետ։
Էմմա Չոբանյան
