09.10.2026 | 21:13
Ադրբեջանի դպրոցներում աշակերտները բողոքի ակցիաներ են անցկացրել հիջաբ կրելու արգելքի դեմ․ ՏԵՍԱՆՅՈՒԹ
Առաջին անգամ հուշարձանների պահպանության խնդիրներով զբաղվող մասնագիտական խումբ է ձեւավորվել․ ԿԳՄՍՆ
Հասարակություն
19.07.2022 | 22:26
ՀՀ ԿԳՄՍ նախարարի հրամանով ստեղծվել է աշխատանքային խումբ, որը զբաղվելու է ՀՀ պատմության և մշակույթի մոնումենտալ հուշարձանների պահպանության խնդիրներով: Հանձնաժողովը քննարկում է որմնանկարների, խճանկարի հուշարձանների մաքրման, ամրակայման և վերականգնման գիտանախագծային փաստաթղթերը: Այս մասին հայտնում են ՀՀ ԿԳՄՍ նախարարությունից”
Աշխատանքային խմբում ընդգրկված են ոչ միայն Հայաստանի տարբեր մասնագիտական կազմակերպությունների, այլև Ռումինիայի, Իտալիայի և Ռուսաստանի Դաշնության համապատասխան կազմակերպությունների ներկայացուցիչներ:
Օրերս տեղի ունեցած աշխատանքային խմբի 2-րդ նիստին մասնակցելու նպատակով Հայաստան են ժամանել ռուս, ռումինացի և իտալացի մասնագետներ, որոնք խմբի անդամների հետ քննարկել են ՀՀ Շիրակի մարզի Հառիճ գյուղի Հառիճավանք վանական համալիրի Սուրբ Աստվածածին եկեղեցու մուտքի վերնամասում գտնվող որմնանկարի (13-րդ դար) ամրակայման և մաքրման էսքիզային նախագիծը: Այն ներկայացրել են Իտալիայից ժամանած մասնագետներ Արա Զարյանը և Քրիստին Լամուրեն։
Նշենք, որ այս ձևաչափով մասնագիտական խումբ ոլորտում ձևավորվել է առաջին անգամ և այսուհետ պատմության ու մշակույթի հուշարձանների՝ պետական ցուցակում ընդգրկված որմնանկարների, խճանկարների և մոնումենտալ արվեստի այլ գործերի խնդիրները քննարկվելու են բացառապես նեղ մասնագիտական աշխատանքային խմբի կողմից։
