09.10.2026 | 21:27
ՀՀ-ն զգալի առաջընթաց է արձանագրել վիզաների ազատականացման ոլորտում․ ԵՄ գնահատման 2-րդ առաքելությունը ՀՀ-ում է
Հեռավոր գյուղերում ապրող երեխաները զրկված են մի շարք առավելություններից․ Անահիտ Գալիկյանը ներկայացրեց կրթության ոլորտում սոցիալական արդարության հիմնախնդիրը․ ՏԵՍԱՆՅՈՒԹ
Հասարակություն
04.07.2022 | 15:17
«Գործընկերություն հանուն բաց հասարակության» նախաձեռնությունը և Հայաստանում Եվրոպական Միության պատվիրակության գրասենյակը քննարկում են կազմակերպել՝ «Կրթության ոլորտում սոցիալական արդարության վերականգնումը, կրթության հասանելիության և որակի ապահովումը» թեմայով։
Բաց հասարակության հիմնադրամներ-Հայաստան, կրթական ծրագրերի համակարգող Անահիտ Գալիկյանը, ներկայացնելով կրթության ոլորտում սոցիալական արդարության հիմնախնդիրները, նշեց. «Երեխաների կրթական ձեռքբերումներն ուղիղ համեմատական են նրանց ընտանիքների սոցիալ-տնտեսական կարգավիճակին, այսինքն՝ որքան ցածր է տվյալ ընտանիքի սոցիալ-տնտեսական կարգավիճակը, այնքան ավելի ցածր են այդ ընտանիքի երեխայի կրթական ձեռքբերումները»:
Գալիկյանը հավելեց, որ կրթության մակարդակի առումով տարբերություն է նկատվում նաև բնակության վայրի հետ կապված: «Հեռավոր գյուղերում և ընդհանրապես գյուղական համայքներում հոսքային ուսուցում չեն անցնում, ի տարբերություն քաղաքային համայնքների, և այնտեղ երեխաները զրկված են մի շարք առավելություններից»,- նշեց Գալիկյանը՝ հույս հայտնելով, որ նոր չափորոշչի ներդրմամբ այդ տարբերությունը կվերանա:
Բանախոսը հավելեց, որ իրականացված հետազոտության արդյունքում պարզվել է, որ կրթության ոլորտում առկա սոցիալական արդարության խնդրի պատճառներից են նաև երեխաների սեռով պայմանավորված խտրականության դրսևորումները՝ թե՛ դասագրքերում, թե՛ ուսուցիչների դիրքորոշումներում: Գալիկյանի դիտարկմամբ՝ ուսուցիչները տարբեր արժեքային համակարգեր են փորձում սերմանել տղաների և աղջիկների մոտ»:
Մանրամասները՝ տեսանյութում:
