Որ սննդի կետերին է կասեցված արտադրամասը թռչնամիս մատակարարել․ այստեղ ստուգումներ չեն իրականացվել․ ՏԵՍԱՆՅՈւԹ

Լուրեր

16.11.2026 | 11:04
Պեկինը հաստատել է՝ Չինաստանի, ԱՄՆ-ի և ՌԴ-ի ղեկավարները նոյեմբերի 19-ին եռակողմ հանդիպում կանցկացնեն Շենժենում
16.11.2026 | 11:03
19-ամյա Միրա Անդրեևան Ամփոփիչ մրցաշարի 2-րդ ամենաերիտասարդ հաղթողն է. ՏԵՍԱՆՅՈՒԹ
16.11.2026 | 11:02
Ժողովրդավարության հետընթացը, հալածանքների ենթարկվող անձանց իրավունքների պաշտպանությունը. ՈՒՂԻՂ
16.11.2026 | 11:02
ԱԺ պաշտպանության և անվտանգության հարցերի հանձնաժողովի նիստը. ՈՒՂԻՂ
16.11.2026 | 10:55
Հակակոռուպցիոն կոմիտեն Չինաստանի հետ քննարկել է կոռուպցիայի դեմ պայքարում համագործակցությունն ու տեխնիկական աջակցության հնարավորությունը
16.11.2026 | 10:42
Ամուսինը դանակով հարվածներ է հասցրել կնոջը և արգելել նրա շփումը երեք մանկահասակ երեխաների հետ․ ՔԿ
16.11.2026 | 10:30
Արտարժույթների փոխարժեքները՝ նոյեմբերի 16-ի դրությամբ
16.11.2026 | 10:23
Իսպանիայի հավաքականի ռեկորդային անպարտելի շարքն ավարտվել է. ՏԵՍԱՆՅՈՒԹ
16.11.2026 | 10:15
Աննա Վարդապետյանն ու Դուբայի գլխավոր դատախազը քննարկել են ապօրինի գույքի բռնագանձման և փողերի լվացման դեմ պայքարի հարցեր
16.11.2026 | 10:01
ԱԺ առողջապահության հարցերի հանձնաժողովի նիստը՝ ՈՒՂԻՂ
16.11.2026 | 09:58
46-ամյա Ռոնալդինյոն առաջին հանդիպումն է անցկացրել կարիերայի վերսկսումից հետո. ՏԵՍԱՆՅՈՒԹ
16.11.2026 | 09:50
«Ձորակ» խնամքի կենտրոնում ՄԻՊ-ն համակարգային խնդիրներ է արձանագրել․ սննդի որակից մինչև ոչ պատշաճ պայմաններ
16.11.2026 | 09:45
Փաշինյանն ու Կամբոջայի վարչապետը քննարկել են առևտրատնտեսական համագործակցության ընդլայնման հնարավորությունները
16.11.2026 | 09:38
Վահան Բիչախչյանը «Լեգիայի» կազմում գոլ է խփել երկրորդ խաղում անընդմեջ. ՏԵՍԱՆՅՈՒԹ
16.11.2026 | 09:30
Երևանի քաղաքապետարանի գործակարգավարական խորհրդակցությունը. ՈՒՂԻՂ
Բոլորը

Անհատ ձեռնարկատեր Կարեն Ղարիբյանին պատկանող մսամթերքի արտադրամասում իրականացված ստուգումների արդյունքում հայտնաբերվել են սանիտարահիգիենիկ նորմերի խախտումներ, արտադրական գործունեությունը կասեցվել է։ Հիմքը եղել է զբոսաշրջիկների նկարահանած տեսանյութը։ Մինչ այս, Երևանի քաղաքապետարանն է 20․000 դրամով անհատ ձեռնարկատիրոջը տուգանել՝ աղբը գետը լցնելու համար, հետո արդեն Սննդամթերքի անվտանգության տեսչական մարմինն է քաղաքապետարանից ստացած ահազանգի հիման վրա ստուգումներ իրականացրել արտադրամասում։ Այստեղ ներմուծված թռչնամիսը հալեցնում, ոսկրահան էին անում և վաճառում հանրային սննդի կետերին։

«Տվյալ տնտեսվարող սուբյեկտն իրականացրել է չվերամշակված կենդանական ծագման մթերքի վաճառք, վերամշակում։ Վերահսկողության ընթացքում մենք կփորձենք պարզել, թե ինչպես և որտեղ են վաճառել»,- նշում է ՍԱՏՄ սննդամթերքի անվտանգության վարչության պետ Վահե Դանիելյանը:

Անհատ ձեռնարկատեր Կարեն Ղարիբյանը, որ ոլորտում գործունեություն է ծավալում շուրջ 2 տարի, պնդում է՝ իր արտադրամասում միշտ չէ, որ այդպիսի վատ վիճակ է եղել, իսկ աղբը գետը լցնելը, ասում է, պատահական է ստացվել։

«Այդ օրն է միայն նման վիճակ եղել»,- պնդեց նա։

Factor TV-ին արտադրամասում նկարահանում կատարել սեփականատերը չթույլատրեց։ Սակայն վստահեցրեց՝ պատշաճ վերանորոգելու են տարածքը, որ հնարավորինս կարճ ժամանակահատվածում վերացվեն խախտումներն ու վերսկսեն գործունեությունը։

Չնայած հայտնաբերված՝ սանիտարահիգիենիկից մինչև տեխնոլոգիական գործընթացի կազմակերպման խախտումներին՝ անհատ ձեռնարկատերը դեռևս չի տուգանվել, իսկ կրկին գործունեություն իրականացնելու հնարավորություն կունենան սահմանված ժամկետում հայտնաբերված խախտումները վերացնելու դեպքում։

ՍԱՏՄ սննդի շղթայի օպերատորների բազայում «Կարեն Ղարիբյան» ԱՁ-ին պատկանող արտադրամասը գրանցված չէ, տեսչությունում դրա գործունեության մասին չեն էլ իմացել, հետևաբար՝ երբևէ ստուգումներ չեն իրականացրել։ Իսկ գրանցված արտադրամասերում ՍԱՏՄ-ն պլանային ստուգումներ իրականացնում է, բողոքների դեպքում նաև արտահերթ ստուգումներ են լինում։

ԳԱԱ էկոկենտրոնի սննդի ռիսկերի գնահատման կենտրոնի ղեկավար, սննդաբան Դավիթ Պիպոյանն ասում է՝ այս ամենը սննդային անվտանգության համակարգի բացերի հետևանք է։

«Ապօրինի գործունեություն կարող է իրականացնել կամայական տնտեսվարող սուբյեկտ, և դրա համար չկա որևէ քրեական պատասխանատվություն»,- ընդգծում է սննդաբանը։

Նրա հավաստմամբ՝ Հայաստանում նման գործունեություն ծավալողները շատ են, որոնց մասին, սակայն, ոչ ոք չգիտի։ Խնդիրն այն է, որ ՍԱՏՄ-ի լիազորությունները սահմանափակ են։ Վահե Դանիելյանը հաստատում է ասվածը՝ իրենք իրավունք չունեն ցանկացած պահի ստուգումներ իրականացնել։

Պիպոյանն ասում է՝ պատկան մարմինները տեղյակ են այս խնդիրներից, բայց քայլեր չեն ձեռնարկում։

ՍԱՏՄ-ն այս տարվա ընթացքում կասեցրել է 22 արտադրության գործունեություն, որոնցից 15-ի գործունեությունը վերականգնվել է՝ խախտումների վերացման հիմքով, իսկ 6-ի պարագայում հանձնարարականների կատարման ժամկետը դեռ չի ավարտվել:

Մանրամասները՝ տեսանյութում։

Արփի Հակոբյան