08.10.2026 | 15:55
Եթե միտում լիներ դահլիճ մտնելու, կմտնեին. Տիգրան Աբրահամյանը` օգնականների գործողությունների մասին․ ՏԵՍԱՆՅՈՒԹ
Չինաստանը հրաժարվել է ԱՄՆ պաշտպանության նախարարի հանդիպումից՝ Թայվանին զենք վաճառելու պատճառով․ CNN
Քաղաքականություն
20.11.2024 | 16:00
Պենտագոնի ղեկավար Լլոյդ Օսթինը ծրագրել էր հանդիպել Չինաստանի պաշտպանության նախարար Դոնգ Ջունի հետ ASEAN Plus պաշտպանության ղեկավարների հանդիպման շրջանակում, սակայն Պեկինը մերժել է, հաղորդում է CNN-ը՝ վկայակոչելով ամերիկացի բարձրաստիճան պաշտոնյային:
Որպես պատճառ չինական կողմը նշել է վերջերս հաստատված ամերիկյան զենքի վաճառքը Թայվանին, հաղորդում է հեռուստաալիքը։
Նոյեմբերի 20-ից 22-ը Լաոսում տեղի է ունենում ASEAN Plus պաշտպանության նախարարների հանդիպումը։ Չինաստանի և ԱՄՆ-ի պաշտպանական գերատեսչությունների ղեկավարների հանդիպման նախաձեռնությունը, որը գալիս էր Լլոյդ Օսթինից, եղել է երկրների միջև ռազմական կապերը պահպանելու երկարամյա ջանքերի մի մասը։
Հոկտեմբերին ԱՄՆ Պետքարտուղարությունը հավանություն է տվել Թայվանին NASAMS հակաօդային պաշտպանության համակարգերի և ռադիոտեղորոշիչ կայանների հնարավոր վաճառքին, որի արժեքը կազմում է գրեթե 2 միլիարդ դոլար: Մի քանի ամիս առաջ Պետքարտուղարությունը հավանություն էր տվել Թայբեին 60 մլն դոլարի հրթիռների վաճառքին։
Թարգմանությունը՝ Տաթև Ֆռանգյանի
