08.10.2026 | 15:55
Եթե միտում լիներ դահլիճ մտնելու, կմտնեին. Տիգրան Աբրահամյանը` օգնականների գործողությունների մասին․ ՏԵՍԱՆՅՈՒԹ
Էրդողանը ճիշտ չի համարում ՌԴ-ին ATACMS հրթիռներով հարվածելու՝ Բայդենի թույլտվությունը
Քաղաքականություն
20.11.2024 | 16:19
Անկարան հավանություն չի տալիս ԱՄՆ նախագահ Ջո Բայդենի որոշմանը՝ թույլ տալ Ուկրաինային ռուսական տարածքին հարվածելու համար օգտագործել ամերիկյան արտադրության հեռահար ATACMS հրթիռները։ Այս մասին հայտարարել է Թուրքիայի նախագահ Ռեջեփ Թայիփ Էրդողանը, փոխանցում է TRT Haber-ը։
«Մենք այս որոշումը ճիշտ չենք համարում: Բայդենի այս քայլը ոչ միայն կսրի հակամարտությունը, այլև կհանգեցնի Ռուսաստանի ավելի մեծ արձագանքին։ Պուտինն էլ հավանություն է տվել այն դոկտրինին, որը թույլ է տալիս իր երկրին պատասխանել միջուկային զենքով, եթե այն ենթարկվի բալիստիկ հրթիռներով հարձակման։ Այս ամենը կարող է տարածաշրջանն ու աշխարհը հասցնել նոր ու մեծ պատերազմի շեմին»,- ասել է Էրդողանը։
Ըստ նրա՝ Անկարայի ցանկությունն է, որ հակամարտության կողմերը կենտրոնանան խաղաղության ողղությամբ։
«Այս մեծ սխալի հիման վրա թույլ տված ամենափոքր սխալը՝ սադրանքների մեջ ընկնելը, նման կլինի վառոդի տակառի մեջ կրակ նետելուն։ Ուստի բոլորին խորհուրդ եմ տալիս զգույշ լինել»,- հայտարարել է Թուրքիայի նախագահը։
Թարգմանությունը՝ Էմմա Չոբանյանի
