08.10.2026 | 15:01
Հայտնի է ազատ ոճի ըմբշամարտի Հայաստանի հավաքականի կազմն ԱԱ-ում
«Ես պարտվեցի Դևիսի գավաթի իմ առաջին խաղում և պարտվեցի վերջինում»․ Ռաֆայել Նադալը լքեց պրոֆեսիոնալ թենիսը
20.11.2024 | 15:08
Իսպանացի հայտնի թենիսիստ Ռաֆայել Նադալը հեռացավ պրոֆեսիոնալ սպորտից Իսպանիայի Մալագա քաղաքում Դևիսի գավաթի խաղարկությանը մասնակցելուց հետո, հայտնում է The Guardian-ը, որին վկայակոչում է Meduza-ն։
Իր վերջին խաղում Նադալը պարտվել է հոլանդացի թենիսիստ Բոտիկ վան դե Զանդշուլպին (6:4, 6:4): Նադալը 20 տարվա մեջ առաջին անգամ է պարտություն կրել Դևիսի գավաթի մենախաղում՝ նախկինում հաղթելով 29 խաղում անընդմեջ։
«Ինչ-որ առումով լավ է, եթե սա իմ վերջին խաղն էր։ Ես պարտվեցի Դևիսի գավաթի իմ առաջին խաղում և պարտվեցի վերջինում: Այսպիսով՝ մենք փակում ենք շրջանը»,- խաղից հետո ասել է Նադալը:
Ռաֆայել Նադալի պատվին Մալագայի մարզադաշտում հանդիսավոր արարողություն է տեղի ունենցել։ Թենիսիստը շնորհակալություն է հայտնել իր ընտանիքին և բոլոր նրանց, ովքեր աջակցել են իրեն կարիերայի ընթացքում։
«Ճշմարտությունն այն է, որ դուք երբեք չեք ցանկանում հասնել այդ կետին: Ես չեմ հոգնել թենիս խաղալուց, բայց իմ մարմինն այլևս չի ուզում խաղալ, և դուք պետք է դա ընդունեք»,- ասել է Նադալը։
Ավելի վաղ նա հայտարարել էր, որ Դևիսի գավաթի խաղարկությունից հետո ավարտելու է կարիերան։
Թարգմանությունը՝ Էմմա Չոբանյանի
