09.09.2026 | 17:55
Մոլդովայում Ադրբեջանի քաղաքացի է ձերբակալվել․ նա կասկածվում են ՌԴ ԱԴԾ-ի համար աշխատելու մեջ
Հանրահայտ թենիսիստ Ռաֆայել Նադալը հայտարարել է կարիերան ավարտելու մասին
10.10.2024 | 18:51
«Մեծ սաղավարտի» մրցաշարերի 22-ակի հաղթող, իսպանացի հանրահայտ թենիսիստ Ռաֆայել Նադալը հայտարարել է 2024 թվականի նոյեմբերին կարիերան ավարտելու մասին, փոխանցում է BBC-ի ռուսական ծառայությունը:
38-ամյա թենիսիստն Իսպանիայի հավաքականի կազմում իր վերջին հանդիպումը կանցկացնի նոյեմբերին՝ Մալագայում կայանալիք Դևիսի գավաթի եզրափակչում։
Սոցցանցերում հրապարակած տեսաուղերձում Նադալը հայտարարել է․ «Ես այստեղ եմ՝ ձեզ տեղեկացնելու, որ հեռանում եմ պրոֆեսիոնալ թենիսից: Իրականությունն այն է, որ դժվար տարիներ էին, հատկապես՝ վերջին երկուսը։ Չեմ կարծում, որ կարողացա ամբողջ ուժով խաղալ։ Ես շատ ուրախ եմ, որ իմ վերջին մրցաշարը կլինի Դևիսի գավաթը, որում ես կներկայացնեմ իմ երկիրը։ Սա կավարտի շրջանը, քանի որ իմ առաջին հաղթանակներից մեկը 2004-ին Սևիլիայում կայացած եզրափակիչն էր»։
Դևիսի գավաթի եզրափակիչը կկայանա նոյեմբերի 19-ից 24-ը։
Նադալին վերջին տարիներին հետապնդում էին վնասվածքները։ Նա 22 անգամ հաղթել է «Մեծ սաղավարտի» մրցաշարերում՝ Ռոլան Գարոս, Ուիմբլդոն, ԱՄՆ-ի ու Ավստրալիայի բաց առաջնություններ։
Թարգմանությունը՝ Էմմա Չոբանյանի
