16.12.2025 | 14:54
Զելենսկին հաստատել է, որ Ուկրաինան, ԱՄՆ-ն ու Եվրոպան Բեռլինում համաձայնության են եկել անվտանգության երաշխիքների շուրջ
Ավինյանի գլխավորած պատվիրակությունը կմեկնի ԱՄՆ․ ովքեր են ընդգրկված ցուցակում
20.11.2024 | 15:49
Երևանի քաղաքապետ Տիգրան Ավինյանի գլխավորած պատվիրակությունը նոյեմբերի 23-ին կմեկնի ԱՄՆ․ այս մասին Factor.am-ը տեղեկանում է քաղաքապետարանի կայքէջից։
Որոշման մեջ նշվում է, որ պատվիրակությունը մեկնում է ԱՄՆ Լոս Անջելեսի քաղաքապետ Քերըն Բասսի հետ հանդիպման ու երկկողմ համագործակցության հարցերի քննարկման նպատակով։
Պատվիրակության կազմում են՝ Երևանի քաղաքապետ Տիգրան Ավինյանը, Երևանի քաղաքապետի խորհրդական Լուսինե Դայանը, Կենտրոն վարչական շրջանի ղեկավար Պետրոս Պետոյանը, Երևանի քաղաքապետարանի աշխատակազմի արտաքին կապերի վարչության պետ Դավիթ Գևորգյանը, Երևանի քաղաքապետարանի աշխատակազմի շինարարության և բարեկարգման վարչության պետի ժ/պ Անդրանիկ Թևոսյանը, «Երևան քաղաքի կառավարման տեխնոլոգիաներ» ՓԲԸ-ի տնօրեն Սարգիս Մանուկյանը, Երևանի քաղաքապետարանի աշխատակազմի լրատվության վարչության պետի տեղակալ Օֆելյա Սիմոնյանը, Երևանի քաղաքապետարանի աշխատակազմի արտաքին կապերի վարչության արարողակարգի բաժնի պետի ժ/պ Լուսինե Ղարիբյանը, Երևանի քաղաքապետարանի աշխատակազմի լրատվության վարչության սոցիալական մեդիա համակարգող Մալվինա Պողոսյանը, Երևանի քաղաքապետարանի աշխատակազմի լրատվության վարչության օպերատոր Արամ Դևրիկյանը։
«Պատվիրակության անդամների գործուղման հետ կապված բոլոր ծախսերն իրականացվում են 2024 թվականի Երևան քաղաքի բյուջեի միջոցների հաշվին, բացառությամբ՝ «Երևան քաղաքի կառավարման տեխնոլոգիաներ» ՓԲԸ-ի տնօրեն Սարգիս Մանուկյանի, որն իրականացվում է «Երևան քաղաքի կառավարման տեխնոլոգիաներ» ՓԲԸ-ի 2024 թվականի բյուջեի միջոցների հաշվին»,- նշված է որոշման մեջ։
Արփի Հակոբյան
