23.06.2026 | 06:00
ԱԱ-2026. Նորվեգիան դուրս եկավ փլեյ-օֆֆ, Հոլանդը դարձյալ դուբլն գրանցեց. ՏԵՍԱՆՅՈՒԹ
Կիևում Իսպանիայի և Իտալիայի դեսպանությունները նույնպես հայտարարել են ժամանակավորապես փակվելու մասին
Քաղաքականություն
20.11.2024 | 16:41
Կիևում Իսպանիայի դեսպանությունը հայտարարել է, որ օրվա ընթացքում ծառայություններ չի մատուցի անվտանգության հնարավոր սպառնալիքների պատճառով։ EFE-ի հաղորդմամբ՝ դիվանագիտական ներկայացուցչությունն այս մասին փոստով տեղեկացրել է Ուկրաինայում բնակվող թագավորության քաղաքացիներին։
Դեսպանությունն իսպանացիներին խորհուրդ է տվել ուժեղացնել անվտանգության միջոցները, ինչպես նաև հետևել տեղի իշխանությունների խորհուրդներին ու տեղեկանալ ապաստարանների գտնվելու վայրի մասին։
Կիևում Իտալիայի դեսպանությունը ևս տեղեկացրել է, որ այցելուների չի ընդունի օրվա ընթացքում։
«Որպես նախազգուշական միջոց՝ Կիևում դեսպանատունն այսօր փակ կլինի այցելուների համար, սակայն այն շարունակում է գործել»,- ասվում է դեսպանատան կայքում։
«Օդային գրոհի դեպքում» դեսպանատունը խորհուրդ է տվել Ուկրաինայում գտնվող Իտալիայի քաղաքացիներին հետևել անվտանգության միջոցներին և «անհապաղ գնալ մոտակա ապաստարան»:
Ավելի վաղ հաղորդվել էր նաև Կիևում ԱՄՆ դեսպանատան փակման մասին։
Թարգմանությունը՝ Տաթև Ֆռանգյանի
