28.07.2026 | 15:10
Թուրքիան նորոգում է Գյումրի տանող երկաթուղային հատվածը // Կամո Արեյանի գործը դատարանում է․ ԼՈՒՐԵՐ
Թբիլիսիի փոխքաղաքապետին իր տանը մահացած են գտել
Քաղաքականություն
01.06.2022 | 16:04
Թբիլիսիի փոխքաղաքապետ Իլյա Էլոշվիլիին մահացած են գտել իր տանը։ Նովոստի Գրուզիայի փոխանցմամբ՝ հաղորդվում է ինքնասպանության մասին։
Միաժամանակ, նշվում է, որ Էլոշվիլիի մահվան ստույգ պատճառը դեռևս հայտնի չէ։ Աղբյուրի փոխանցմամբ՝ դեպքի վայրում աշխատում են իրավապահները։
Թբիլիսիի փոխքաղաքապետ Իլյա Էլոշվիլիի մահվան գործով հետաքննությունն ընթանում է Վրաստանի Քրեական օրենսգրքի 115-րդ հոդվածով (ինքնասպանության դրդելը)։
Իլյա Էլոշվիլին 47 տարեկան էր։ Ամուսնացած էր, ուներ երկու երեխա։ Նա Թբիլիսիի փոխքաղաքապետի պաշտոնը զբաղեցնում էր 2021 թվականից, մինչ այդ եղել է էներգետիկայի նախարար, իսկ ավելի վաղ՝ էներգետիկայի փոխնախարար։
Տաթև Ֆռանգյան
