«Անկողնային հիվանդ դատապարտյալն ինքնուրույն է փոխում իր տակդիրն ու միզային կաթետերը, որը 3 ամիս է չի փոխարինվել»․  ահազանգ բանտից

Լուրեր

18.11.2026 | 18:10
«Վիվա»-ն, «Յուքոմ»-ը և «Տելեկոմ»-ը տուգանվել են // Պապիկյանը հանդիպել է Հնդկաստանի ՊՆ ղեկավարին․ ԼՈՒՐԵՐ
18.11.2026 | 18:00
«Անկողնային հիվանդ դատապարտյալն ինքնուրույն է փոխում իր տակդիրն ու միզային կաթետերը, որը 3 ամիս է չի փոխարինվել»․  ահազանգ բանտից
18.11.2026 | 17:53
Սպանության և սպանության փորձի մեղադրանքով ավելի քան երկու տարի հետախուզվող 55-ամյա տղամարդը Մոսկվայից տեղափոխվել է Հայաստան
18.11.2026 | 17:45
Ուշադիր հետևում ենք Ադրբեջանի և Հայաստանի միջև խաղաղության գործընթացին․ Թուրքիայի պաշտպանության նախարար
18.11.2026 | 17:38
«Մահը վրա է հասել պատգարակի վրա»․ Գալյանը՝ Արսեն Գևորգյանի մահվան հանգամանքների մասին․ ՏԵՍԱՆՅՈՒԹ
18.11.2026 | 17:27
Դատաբժշկական փորձագետների խումբը պնդում է, որ Ջեֆրի Էփշթեյնի մահը սպանություն է
18.11.2026 | 17:21
«Եթե կոռուպցիոն շղթայի մաս եք, շատ շուտով բանտում կհայտնվեք»․ Փաշինյանը՝ Մարիաննա Ղահրամանյանին․ ՏԵՍԱՆՅՈՒԹ
18.11.2026 | 17:19
Ճապոնիայի ֆուտբոլի ասոցիացիայի նախկին նախագահն առաջադրվել է ՖԻՖԱ-ի նախագահի պաշտոնում
18.11.2026 | 17:16
Ալբերտ Հովհաննիսյանի հայրն ու Ավինյանը միասին որոշել են՝ որտեղ է լինելու հերոսի հիշատակի անկյունը
18.11.2026 | 17:10
«Ազիմուտ»-ի ինքնաթիռը ռումբի մասին հաղորդումից հետո վայրէջք է կատարել Անթալիայում
18.11.2026 | 17:02
Գերմանիան աջակցում է ՀՀ-ԵՄ հարաբերությունների խորացմանը․ Փաշինյանն ընդունել է Գերմանիայի ԱԳ նախարարին
18.11.2026 | 16:55
Մեկ կշեռք և մեկ սկաներ․ շաբաթներով հերթ են կանգնում․ Աբրահամյանը՝ հայ-իրանական սահմանի մասին․ ՏԵՍԱՆՅՈՒԹ
18.11.2026 | 16:54
Թրամփը ժամանել է Չինաստանում անցկացվող ԱԽՏՀ-ի ընդունելությանը․ նա ձեռքսեղմում է ունեցել Պուտինի հետ
18.11.2026 | 16:53
Հայաստանում հոգեկան առողջության խնդիրներ ունեցող անձինք բախվում են խտրականության և իրավունքների պաշտպանության համակարգային խնդիրների․ ՄԻՊ
18.11.2026 | 16:46
Բյուրականում շուրջ 52 հազար խմ տուֆի ապօրինի արդյունահանում է բացահայտվել․ շրջակա միջավայրին պատճառված վնասը՝ 3,5 մլն դրամ
Բոլորը

Ծանր ֆունկցիոնալության սահմանափակման աստիճանով 46-ամյա դատապարտյալ Մայիս Եղոյանն ավելի քան մեկ տարի է անկողնային, անօգնական վիճակում է և պատշաճ բուժօգնություն չի ստանում։ Այս մասին Factor TV-ի հետ զրույցում ահազանգում է ՔԿՀ-ներում դիտորդական առաքելություն իրականացնող խմբի նախագահ Արման Սահակյանը։

Եղոյանն «Արմավիր» քրեակատարողական հիմնարկում է 2022 թվականի հոկտեմբերից, որտեղ ամիսներ անց վիրահատության է ենթարկվել, սկսել տեղաշարժվել անվասայլակով, հետո խնդիրներն ավելի են խորացել․ այսօր դատապարտյալն ինքնուրույն չի կարողանում տեղաշարժվել․

«Մեր այցի ժամանակ՝ Մայիս Եղոյանը գտնվել է անկողնային վիճակում, ունեցել է արտահայտված ընդհանուր թուլություն, մաշկի և տեսանելի լորձաթաղանթների գունատություն։ Նրա մոտ տեղադրված է եղել միզային կաթետեր, իսկ մեզն ունեցել է արտահայտված մուգ, գրեթե սև գունավորում։ Մահճակալի մոտ առկա է եղել շուրջ 5 լիտր տարողությամբ տարա, որը, ըստ անձի բացատրության, օգտագործվել է կաթետերի պարկը դատարկելու նպատակով։ Միզային կաթետերը, ըստ իր հաղորդման, վերջին անգամ փոխվել է շուրջ երեք-չորս ամիս առաջ, իսկ տեղադրման հատվածում մշտապես զգում է ցավ և այրոց։ Դատապարտյալի խոսքով՝ ինքնուրույն է փոխում տակդիրը և դատարկում կաթետերի պարկը՝ չնայած ֆունկցիոնալ ծանր սահմանափակումներին։ Խուսափում է բավարար չափով սնվելուց՝ խնամքի դժվարությունների պատճառով։ Անձնական հիգիենան հիմնականում ապահովում է խոնավ կտորներով, իսկ պատշաճ լոգանքը, իր հաղորդմամբ, վերջին մեկ տարում կազմակերպվել է ընդամենը երկու անգամ»,- Եղոյանի առողջական վիճակն է նկարագրում դիտորդական խմբի ղեկավարը․ վերջին անգամ խումբը դատապարտյալին տեսակցել է նոյեմբերի 7-ին։

Մայիս Եղոյանի ֆունկցիոնալության սահմանափակման աստիճանը նախկինում գնահատվել է ծանր՝ 70 տոկոս, իսկ 2026 թվականի նոյեմբերին իրականացված կրկնակի գնահատմամբ՝ կրկին ծանր, սակայն այս անգամ՝ 68 տոկոս։ Ինչպես դիտորդական խումբը, այնպես էլ դատապարտյալն ահազանգում է, որ իր առողջական վիճակը վատթարացել է վերջին ամիսներին․ սեպտեմբերի 29-ի խմբի հերթական այցից և ահազանգից հետո Մայիս Եղոյանից վերցվել է արյան նմուշ, սակայն հետազոտության արդյունքները չեն տրամադրվել։

«Մենք խոր մտահոգություն ենք հայտնում Եղոյանի առողջական վիճակի, անհրաժեշտ բժշկական օգնության և ամենօրյա խնամքի ապահովման վերաբերյալ արձանագրված խնդիրների, ինչպես նաև իրավասու պետական մարմինի՝ ՀՀ Առողջապահության նախարարության և «Քրեակատարողական բժշկության կենտրոն» ՊՈԱԿ-ի կողմից առարկայական արձագանքման բացակայության կապակցությամբ։ Ազատությունից զրկված անձի առողջական ծանր վիճակի վերաբերյալ բազմակի ահազանգերի պայմաններում պետական մարմինների պարտականությունը չի սահմանափակվում ընդհանուր իրավական պարզաբանումներ տրամադրելով։ Այն ենթադրում է առողջական ռիսկերի ժամանակին գնահատում, անհրաժեշտ բժշկական միջամտությունների կազմակերպում, պատշաճ խնամքի ապահովում և ձեռնարկված միջոցառումների վերաբերյալ հիմնավորված արձագանք»,- ընդգծում է Սահակյանը։

Դիտորդների խումբը Մայիս Եղոյանի առողջական վիճակի և պատշաճ խնամքի խնդիրների վերաբերյալ իրավասու մարմիններին տեղեկացրել է դեռևս 2025 թվականի դեկտեմբերին։ 2026 թվականի նոյեմբերի 12-ին Խումբը պաշտոնական գրությամբ դիմել է ՀՀ առողջապահության նախարարին՝ պահանջելով համակողմանի ուսումնասիրություն, անհրաժեշտ հետազոտություններ և բուժօգնություն, նախկին հետազոտությունների արդյունքների պարզաբանում, ինչպես նաև պատժի հետագա կրման հետ առողջական վիճակի համատեղելիության գնահատում։ «Քրեակատարողական բժշկության կենտրոն» ՊՈԱԿ-ի տնօրեն Կամո Մանուկյանի՝ 2026 թվականի նոյեմբերի 17-ի պատասխան գրությամբ, առարկայական պարզաբանումներ չեն տրամադրվել իրականացված կամ նախատեսվող հետազոտությունների, բուժման, խնամքի և առողջական վիճակի գնահատման վերաբերյալ՝ հղում կատարելով բժշկական գաղտնիքի մասին օրենքին։

«Պատասխանում հիմնականում ներկայացվել են բժշկական օգնության և բժշկական գաղտնիքի վերաբերյալ ընդհանուր կարգավորումներ, այնինչ գրությանը կցվել են անձի համաձայնության թերթիկները»,- շեշտում է Արման Սահակյանը։

ՔԿՀ-ներում դիտորդական առաքելություն իրականացնող խումբը Մայիս Եղոյանի մասով ահազանգ-հաղորդագրություն է տարածել պահանջելով անհապաղ կազմակերպել նրա առողջական վիճակի համակողմանի բժշկական գնահատում՝ անհրաժեշտության դեպքում ներգրավելով նեղ մասնագետների և կազմակերպելով տեղափոխում մասնագիտացված բուժհաստատություն, պարզել արձանագրված ախտանշանների և գանգատների պատճառները, գնահատել կաթետերի վիճակը և բժշկական ցուցումներով իրականացնել անհրաժեշտ հետազոտությունները, ապահովել առողջական վիճակին համապատասխան ամենօրյա մասնագիտական խնամք, հիգիենա, սնուցման կարիքների գնահատում և անկողնային վիճակի բարդությունների կանխարգելում, պարզել նախկինում իրականացված հետազոտությունների արդյունքները և ապահովել անձի տեղեկացումը և բժշկական փաստաթղթերին օրինական հասանելիությունը և գնահատել առողջական վիճակի համատեղելիությունը պատժի հետագա կրման հետ և իրավական հիմքերի առկայության դեպքում նախաձեռնել համապատասխան ընթացակարգը։

Ռոզա Վարդանյան