Հասարակություն
06.05.2022 | 18:321500 դոլար՝ անձնական տվյալները և պոռնոգրաֆիկ տեսանյութեր դիտելու տեսագրությունները չհրապարակելու համար․ վերջին շրջանում սոցցանցերի օգտատերերից շատերն են այսպիսի բովանդակությամբ նամակներ ստանում։
Կարինե Աղաջանյանից պահանջել էին գումարը փոխանցել բիթքոինի էլեկտրոնային դրամապանակին և չդիմել ոստիկանություն, հակառակ դեպքում՝ սպառնալով հրապարակել ձեռքի տակ հայտնված տեսանյութերը։
Իսկ տեխնիկիական գիտելիքներ չունեցողները հեշտությամբ կուլ են տալիս խայծն ու վճարում պահանջված գումարը, իսկ այդպիսիք քիչ չեն։ Ավելին, խարդախության այս տեսակն օր-օրի զարգանում է և նոր դրսևորումներ ստանում։
Խղճի խայթ առաջացնելով՝ խարդախները հաճախ կարողանում են հասնել արդյունքի։ Լավ մշակված սցենար, որը, սակայն, աշխատում է միայն օգտատիրոջ անուշադրության դեպքում։
Տեղեկատվական անվտանգության փորձագետ Սամվել Մարտիրոսյանը հիշեցնում է՝ վտանգավոր է նաև վճարային քարտի 12 նիշանոց թվերի տրամադրումը անծանոթ անձանց։
Խաբեբաները հիմնականում մինչև 30․000 դրամ են փորձում շորթել։ Բանն այն է, որ փոքր գումարն ավելի քիչ կասկածներ է հարուցում, բացի այդ՝ այդ չափով շորթումը նաև քրեական պատասխանատվություն չի ենթադրում։
Հայաստանում խարդախության տարածված ձև է նաև list.am պորտալում կամ «Հայփոստ»-ի անունից հանդես գալով շորթումը։ Տուժածների գտնելու համար Ֆեյսբուքում արած մեր գրառմանն արձագանքած օգտատերերը տրամադրեցին նաև խաբեության փաստը հաստատող լուսանկարներ։
Նման դեպքերում միայն վարչական պատասխանատվություն է կիրառվում մանր հափշտակության համար, բացահայտման դեպքերն էլ մեծ չեն, ուստի միակ տարբերակը տեղեկացված և ուշադիր լինելն է։
Մանրամասները՝ տեսանյութում։
Սաթենիկ Հայրապետյան
