16.07.2026 | 11:10
Զելենսկին վարչապետի պաշտոնում ներկայացրել է Սերգեյ Կորեցկիի թեկնածությունը
Վաշինգտոնը ողջունում է Փաշինյանի` Արցախի հարցով նախորդ շաբաթվա ելույթը. ԱՄՆ դեսպան
24.04.2022 | 10:33
«Հայոց ցեղասպանության ճանաչման մասին հայտարարությունը համարում ենք շատ ազդեցիկ, ԱՄՆ-ն հուսով է` մյուս երկրներն էլ կմիանան Հայոց ցեղասպանության ճանաչման հայտարարությանը»,- Ծիծեռնակաբերդի հուշահամալիրում լրագրողների հետ զրույցում այս մասին նշեց Հայաստանում ԱՄՆ դեսպան Լին Թրեյսին, որը եկել էր հարգանքի տուրք մատուցելու Հայոց ցեղասպանության զոհերի հիշատակին։
Անդրադառնալով Հայաստան–Ադրբեջան բանակցություններին, դեսպանը նշեց, որ անկասկած, դժվար կլինեն, քանի որ ԼՂ հակամարտությունը բարդ հակամարտություն է, որը երկար տարիների ընթացքում է տեղի ունեցել։ Թրեյսին հավելեց` ԱՄՆ–ն հանձնառու է աջակցել ԼՂՀ հակամարտության խաղաղ կարգավորում գտնելու հարցում` որպես ԵԱՀԿ Մինսկի խմբի համանախագահ և որպես ՀՀ բարեկամ ու գործընկեր։
Դեսպանը նշեց` ԱՄՆ պետքարտուղար Էնթոնի Բլինկենը վերջին ամիսների ընթացքում հեռախոսազանգեր է ունեցել 2 երկրների ղեկավարների հետ, հորդորել է քայլեր ձեռնարկել իրավիճակի ապաէսկալացման ուղղությամբ, իրար հետ շփման մեջ լինել խաղաղության գործընթաց սկսելու համար։ Թրեյսին հիշեցրեց` ամերիկյան կողմը մարտի 25-ին հայտարարությամբ հանդես եկավ ու անդրադարձավ ադրբեջանական զորքերի տեղաշարժին։
Նա հավելեց` այժմ էլ ԱՄՆ-ն կողմերին հորդորում է զերծ մնալ սպառնալի, թշնամական հռետորաբանությունից, ինչը չի օգնում գործընթացին։
Դեսպանն ընդգծեց, որ Վաշինգտոնը ողջունում է Փաշինյանի` Արցախի հարցով նախորդ շաբաթվա ելույթը. «Եվ բոլոր կողմերին կոչ ենք անում,որ հանդես գան խաղաղությանն աջակցող նման ուղերձներով»:
Մանրամասները՝ տեսանյութում։
