Ազգային հերոսից՝ մեղադրյալ․ ի՞նչ է սպասվում կաշառք վերցնելու մեջ մեղադրվող նախարար Փիլոյանին․ ՏԵՍԱՆՅՈՒԹ

Լուրեր

16.11.2026 | 12:38
Total Chess. Հայկ Մարտիրոսյանը չի կարողացել դուրս գալ կիսաեզրափակիչ
16.11.2026 | 12:30
Թուրքիայից Հայաստան առաջին կանոնավոր բեռնափոխադրման չվերթն է իրականացվել․ ԼՈՒՍԱՆԿԱՐՆԵՐ
16.11.2026 | 12:20
ՌԴ-ն հարվածել է Ուկրաինայի մի շարք շրջանների․ զոհեր և վիրավորներ կան
16.11.2026 | 12:10
Երևանում մեքենաների թիվը սահմանափակելու հարց կքննարկվի // Ձնախառն անձրևներ են սպասվում․ ԼՈՒՐԵՐ
16.11.2026 | 11:51
Չեխիայում հարյուր հազարավոր մարդիկ բողոքի ցույցի են դուրս եկել՝ ընդդեմ հանրային լրատվամիջոցների ֆինանսավորման բարեփոխումների
16.11.2026 | 11:41
Ադրբեջանի ներկայացուցիչները կժամանեն Հայաստան․սպասվում է քաղհասարակության նոր հանդիպումը
16.11.2026 | 11:36
Ազովում ուկրաինական հարձակումից հետո նավթաբազա է հրդեհվել․ հարված է հասցվել Ղրիմի կամրջին, երթևեկությունը փակվել է
16.11.2026 | 11:27
Եղվարդում ապօրինի արդյունահանման դեպք է բացահայտվել․ 10 մլն դրամի վնասը վերականգնվել է
16.11.2026 | 11:16
19-ամյա Միրա Անդրեևան Ամփոփիչ մրցաշարի 2-րդ ամենաերիտասարդ հաղթողն է. ՏԵՍԱՆՅՈՒԹ
16.11.2026 | 11:04
Պեկինը հաստատել է՝ Չինաստանի, ԱՄՆ-ի և ՌԴ-ի ղեկավարները նոյեմբերի 19-ին եռակողմ հանդիպում կանցկացնեն Շենժենում
16.11.2026 | 11:02
Ժողովրդավարության հետընթացը, հալածանքների ենթարկվող անձանց իրավունքների պաշտպանությունը. ՈՒՂԻՂ
16.11.2026 | 11:02
ԱԺ պաշտպանության և անվտանգության հարցերի հանձնաժողովի նիստը. ՈՒՂԻՂ
16.11.2026 | 10:55
Հակակոռուպցիոն կոմիտեն Չինաստանի հետ քննարկել է կոռուպցիայի դեմ պայքարում համագործակցությունն ու տեխնիկական աջակցության հնարավորությունը
16.11.2026 | 10:42
Ամուսինը դանակով հարվածներ է հասցրել կնոջը և արգելել նրա շփումը երեք մանկահասակ երեխաների հետ․ ՔԿ
16.11.2026 | 10:30
Արտարժույթների փոխարժեքները՝ նոյեմբերի 16-ի դրությամբ
Բոլորը

44-օրյա պատերազմի ամենաթեժ պահին ՀՀ Ազգային հերոսի կոչմանն արժանացած, ապա 1 ամիս անց արտակարգ իրավիճակների նախարար նշանակված Անդրանիկ Փիլոյանին մեղադրանք է առաջադրվել։ Այսօր տեղի ունեցած Կառավարության նիստի ժամանակ, իր խոսքով, «ոչ հաճելի խնդրին» անդրադարձավ վարչապետ Նիկոլ Փաշինյանը։ս

Օրեր շարունակ ԱԻՆ-ում իրականացվող խուզարկությունների, Փիլոյանի և ԱԻՆ-ի մի քանի տասնյակ աշխատակիցների հարցաքննությունների պատճառների մասին պաշտոնական հաղորդագրություն տարածվեց այսօր։ Ըստ Հակակոռուպցիոն կոմիտեի՝ նախարարը և ԱԻՆ 10-ից ավելի աշխատակիցներ մեղադրվում են խոշոր և առանձնապես խոշոր չափերով կաշառք ստանալու, դրան օժանդակելու, պաշտոնեական դիրքը չարաշահելու, խարդախության եղանակով խոշոր չափերով հափշտակություն կատարելու, ինչպես նաև խոշոր և առանձնապես խոշոր չափերով ապօրինի վարձատրություն ստանալու, տալու և այլ չարաշահումների համար։

Նախաքննությամբ պարզվել է, որ Անդրանիկ Փիլոյանը նախարարության հետ համագործակցող ՍՊԸ-ի օգտին իր լիազորությունների շրջանակում գործողությունների կատարման համար իր խորհրդական Ա.Հ.-ի օժանդակությամբ 2022թ. ստացել է խոշոր չափերով կաշառք: Խորհրդականի տան խուզարկությամբ նաև հայտնաբերվել և առգրավվել են հրազեն և ռազմամթերք:

«Նախարարության ստորաբաժանումներից մեկի ղեկավար Հ.Ե.-ն, օգտագործելով պաշտոնեական դրությունը, միջնորդել է ԱԻ նախարարի կողմից ջեռուցման համակարգի տեսքով խոշոր չափերով կաշառք ստանալուն՝ համապատասխան անձին նախարարությունում աշխատանքի ընդունելու համար: ԱԻՆ մեկ այլ ստորաբաժանման ղեկավար Վ.Մ.-ն իր ծանոթ Ա.Օ.-ի կողմից կաշառք տալու եղանակով նախարարության Փրկարարական ծառայության ջոկատներից մեկի հրամանատարի պաշտոնին նշանակվելու մտադրության մասին 2022թ. հունվարին հայտնել է ԱԻ նախարարին, որն ընդունել է այդ առաջարկը: Ա.Օ.-ի` համապատասխան պաշտոնում նշանակվելուց հետո Վ.Մ.-ն օժանդակել է նախարար Ա.Փիլոյանի կողմից հիշյալ անձից խոշոր չափերով կաշառք ստանալուն»,- նշվում է Հակակոռուպցիոն կոմիտեի հաղորդագրության մեջ:

Քննությամբ պարզվել է նաև, որ Վ․Գ.-ն, մտերիմ հարաբերությունների մեջ գտնվելով ԱԻ նախարարի հետ, վերջինի կողմից իր լիազորությունների շրջանակում նախարարության տարբեր ստորաբաժանումներում աշխատանքի ընդունելու համար անձանցից պահանջել և ստացել է 2․000-2․500 դոլարի չափով ապօրինի վարձատրություն:

Այսպիսով՝ Փիլոյանը մեղադրվում է ՀՀ քրեական օրենսգրքի 311-րդ հոդվածի 3-րդ մասի 3-րդ կետով՝ խոշոր չափերով կաշառք ստանալը։ Քննիչի որոշմամբ՝ նախարարը ձերբակալվել է և միջնորդություն է ներկայացվել Երևանի ընդհանուր իրավասության դատարան՝ նրա նկատմամբ կալանավորումը որպես խափանման միջոց ընտրելու համար:

Նախարարին առնչվող քրեական այս գործի շուրջ հանրային հետաքրքրությունը միգուցե այնքան մեծ չլիներ, եթե Փիլոյանն Ազգային հերոսի կոչում չունենար։ Այդ կոչումը Փիլոյանը ստացել էր 44-օրյա պատերազմի ամենաթեժ պահին։ 2020 թվականի հոկտեմբերի 20-ին այդ մասին նախ հայտարարեց վարչապետ Փաշինյանը, ապա երկու օր անց արդեն նախագահի մակարդակով այդ ժամանակ 5-րդ բանակային կորպուսի հրամանատար, գեներալ-մայոր Անդրանիկ Փիլոյանը հայրենիքի պաշտպանության և անվտանգության ապահովման գործում մատուցած բացառիկ ծառայությունների, մարտական գործողությունների ընթացքում ցուցաբերած անձնվիրության և արիության համար պարգևատրվեց Հայրենիքի շքանշանով։ Սոցիալական ցանցերում օգտատերերն ակտիվորեն սկսեցին քննարկել հարցը՝ ո՞ր բացառիկ ծառայությունների համար էր Փիլոյանն արժանացել Ազգային հերոսի կոչման։

Մանրամասները՝ տեսանյութում։

Ռոզա Վարդանյան