31.03.2025 | 03:50
ԿԸՀ-ն ամփոփել է Գյումրիի 82 ընտրատեղամասերից 43-ի նախնական տվյալները
«Մենք թշնամանում ենք բանավեճի ոճի պատճառով». ապոլիտիկ զրույց Տիգրան Հակոբյանի հետ. ՏԵՍԱՆՅՈՒԹ
Հաղորդաշարեր
12.03.2022 | 21:00
Factor TV-ի A-politic հաղորդաշարի հյուրն է Հեռուստատեսության և ռադիոյի հանձնաժողովի նախագահ Տիգրան Հակոբյանը: Նա բնական է համարում, որ մարդիկ համացանցում փնտրում են այն նյութերը, որոնք հաստատում են իրենց նախօրոք ձևավորված համոզմունքները: Դրան նպաստում են թե՛ հոգեբանության ընդհանուր օրինաչափությունները՝ մարդն ինքնահաստատվելու համար մշտապես պետք է համապատասխան տեղեկատվական հոսքեր ստանա, թե՛ սոցիալական ցանցերի ալգորիթմները:
Հաղորդման հյուրը կարծում է, որ խիստ կողմնորոշված, ծայրահեղացված կարծիքներն ավելի լայն սպառում ունեն տեղեկատվական դաշտում: Այդպիսի դիրքորոշում ունեցողների գրառումները շատ ավելի մեծ քանակի հավանումների են արժանանում, քան նրանց, ովքեր փորձում են հասկանալ և վերլուծել իրավիճակը:
Այսօր ամբողջ քաղաքակիրթ աշխարհը սևեռված է խոսքի ազատության խնդրի վրա: Սակայն, Տիգրան Հակոբյանի կարծիքով, 20-րդ դարով այդ խնդրի արդիականությունն ավարտվել է, քանի որ այժմ պետությունները գրեթե չեն կարող սահմանափակել տեսակետ արտահայտելու հնարավորությունները, և միշտ էլ կգտնվեն հարթակներ, որտեղ ցանկացած մարդ կարող է հայտնել իր տեսակետը և լսելի լինել ամբողջ աշխարհի համար:
Մանրամասները՝ տեսանյութում:
