Հասարակություն
23.02.2022 | 13:03Դպրոցներում ադրբեջաներեն դասավանդելու ծրագիր այս պահին չկա, փոխարենը դիտարկվում է վրացերենի հարցը, այսօր կառավարության նիստից հետո, լրագրողների հետ ճեպազրույցում, ասաց կրթության, գիտության, մշակույթի և սպորտի նախարար Վահրամ Դումանյանը։
«Այսօր, կոնկրետ հենց այսօր չի էլ պատրաստվում ադրբեջաներենի ուսուցման հարցը, այսօր մենք ծրագիր ունենք, համենայն դեպս, շատ ենք ցանկանում, որ վրացերեն մենք կարողանանք որոշ դպրոցներում ուսուցանել՝ զուտ տարածաշրջանային լեզուներին, մշակույթին ծանոթ լինելու առումով։ Ինչո՞ւ եք ֆիքսվել հենց ադրբեջաներենի վրա։ Այս պահին մենք վրացերենի հարցն ենք դիտարկում, բայց ոչ համատարած պարտադիր», – ասաց նախարարը։
Ինչո՞վ է պայմանավորված վրացերենի դասավանդումը, Դումանյանը հարցն անպատասխան թողեց։ «Թույլ տվեք այդ հարցին չպատասխանել», – ասաց նախարարը։
Մանրամասները՝ տեսանյութում:
