06.10.2026 | 22:22
ՆԳՆ շրջիկ սպասարկման գրասենյակները ծառայություններ կմատուցեն Կոտայքի և Գեղարքունիքի մարզերում
Ծխելը թողել եմ չորս տարի առաջ, օրը երեք տուփ ծխում էի. Քերոբյան. ՏԵՍԱՆՅՈՒԹ
Տեսանյութեր
10.02.2022 | 12:23
հունվարի 1-ից ուժի մեջ են մտել Հակածխախոտային օրենքով պայմանավորված սահմանափակումները, համաձայն որի ՀՀ քաղաքացիներն այսուհետև խանութներում չեն տեսնի ծխախոտի տուփերը՝ ցուցատախտակները պետք է փակ լինեն։ Մարտի 15-ից ծխելը կարգելվի հանարային սննդի ինչպես փակ այնպես էլ բաց տարածքներում:
«4 տարի առաջ թողել եմ ծխելը»,- կառավարության նիստից հետո լրագրողների հետ թեմայի շուրջ զրույցում նշեց ՀՀ էկոնոմիկայի նախարար Վահան Քերոբյանը:
«Նախկինում ես օրական 3 տուփ ծխախոտ էի ծխում։ Սակայն երբ գործուղման էի գնում արտասահման, որտեղ հանրային սննդի վայրերում ծխելն արգելվում էր, ինձ հաջողվում էր ծխել միայն մեկ տուփ։ Այսինքն` միջավայրը ստիպում էր, որ ծխողներն ավելի քիչ ծխեն»,–ասաց Քերոբյանը։
Նրա խոսքով` հանրային սննդի վայրերում ծխելն արգելելով` օգնում են ծխողներին, որ իրենց առողջությանն ավելի քիչ վնաս հասցնեն։ Քերոբյանը վստահեցնում է, որ այս ճանապարհով են անցել շատ երկրներ։
Նման սահմանափակումների ներդրման դեպքում, ըստ Քերոբյանի, հանրային սննդի օբյեկտներում տնտեսական շրջանառությունն ընկնում է առաջին 1-2 ամիսներին, սակայն հետո շատ արագ էլ վերականգնվում է։
Մանրամասները՝ տեսանյութում:
