18.12.2025 | 23:24
ՀՀ տարածքում ավտոճանապարհները հիմնականում անցանելի են
Ուկրաինան Գերմանիայից ռազմանավեր և ՀՕՊ համակարգեր է խնդրում
Քաղաքականություն
19.01.2022 | 21:04
Ուկրաինան չի ցանկանում համակերպվել Կիևին զենք մատակարարելու՝ Գերմանիայի մերժման հետ։ Բեռլինում Ուկրաինայի դեսպան Անդրեյ Մելնիկը նույնիսկ նշել է զենքի կոնկրետ տեսակներ, որոնք իր երկիրը կցանկանար ստանալ Գերմանիայից, գրում է DW-ի ռուսական ծառայությունը։
«Առաջին հերթին, մենք խոսում ենք ռազմանավերի մասին՝ աշխարհում լավագույններից մի քանիսը, որոնք մեզ շտապ անհրաժեշտ են՝ արդյունավետորեն պաշտպանելու Սև և Ազովի ծովերի երկար ափերը»,- ասել է նա dpa-ին տված հարցազրույցում:
Մելնիկի խոսքով, իր երկրին հրատապ անհրաժեշտ են նաև ամենաժամանակակից հակաօդային պաշտպանության համակարգերը, որոնք, ինչպես նշել է նա, արտադրվում են գերմանական պաշտպանական ձեռնարկությունների կողմից։
Ուկրաինան երկար տարիներ զենքի մատակարարումներ է փնտրում Գերմանիայից՝ ռուսական հնարավոր ներխուժումից պաշտպանվելու համար, բայց առայժմ՝ անհաջող։
Գերմանիայի կանցլեր Օլաֆ Շոլցը նախօրեին հերթական անգամ մերժել է Կիևի խնդրանքը՝ ընդգծելով, որ Գերմանիան երկար տարիներ վարում է հավասարակշռված ռազմավարություն՝ բացառելով մահաբեր զենքի արտահանումը։ Գերմանիայի արտաքին գործերի նախարար Անալենա Բաերբոքը հունվարի 17-ին Կիև կատարած այցի ժամանակ նույնպես մերժել է Ուկրաինայի պահանջները։
Տաթև Ֆռանգյան
