21.04.2026 | 20:43
Անցած տարվա ծնունդի նվերն է հեռուստացույցը, որը չէի կարողացել տալ. Գոհար Ղումաշյան. ՏԵՍԱՆՅՈՒԹ
Մարզպետների դիպլոմները կեղծ չեն, պարզապես այդ բուհերը հավատարմագրված չեն. Դումանյան. ՏԵՍԱՆՅՈՒԹ
Հասարակություն
13.01.2022 | 13:06
«Որևէ կեղծիքի մասին խոսք չկա՝ մեր երկու մարզպետների դիպլոմների հետ կապված»,-այս մասին այսօր՝ հունվարի 13-ին, կառավարության նիստից հետո լրագրողների հետ ճեպազրույցում նշեց ԿԳՄՍ նախարար Վահրամ Դումանյանը՝ անդրադառնալով բարձրագույն կրթություն չունեցող անձանց մարզպետ նշանակելու վրաբերյալ շրջանառվող տեղեկությանը:
«Որևէ մեկի կողմից ներկայացված այդ դիպլոմ չասենք, այդ փաստաթուղթը կեղծ չի: Խոսքն այն մասին է, որ այն կազմակերպությունը, որը կոչվում է բարձրագույն ուսումնական հաստատություն, հավատարմագրված չէ: Դա չի նշանակում, որ այդ փաստաթուղթը կեղծ է: Չի կարելի նման բան ասել: Չհավատարմագրված բուհերի շրջանավարտների համար 2003 թվականից մինչև 2017-ը տրվել է ամեն տարի հնարավորություն, որ ցանկացողները, որոնք ունեն չհավատարմագրված բուհի դիպլոմ, կարող են ստանալ պետական նմուշի դիպլոմ՝ հանձնելով պետական ավարտական քննություններ»,- ասաց նախարարը:
Նա նկատեց, որ մարդիկ ժամանակին ընդունվել են այդ բուհերը, ուսման վարձավճար են վճարել օրինական կերպով, այդ մարդիկ մեղավոր չեն:
«Լուծումները լավ չեն տրվել, հիմա մենք ուզում ենք լուծումներ գտնել այդ խնդրին: Դուք խոսում այնպիսի անձանց մասին, որոնք շատ հարգված են և մեծ ներդրում ունեն: Խոսում եք Ռազմիկ Պետրոսյանի մասին, ով իր կյանքն է դրել մեր երկրի, մեր ժողովրդի համար, ռազմի դաշտում է եղել: Իսկ դուք այսօր ասում եք՝ կեղծ դիպլոմ ունի: Կեղծ չի»,- նշեց նախարարը:
Մանրամասները՝ տեսանյութում:
