17.12.2025 | 21:10
ՌԴ-ի ներգրավումը Թրամփի ուղուն՝ գեոպոլիտիկ բախման կբերի․ փորձում է խոչընդոտել նախագծի իրականացմանը․ Արմեն Պետրոսյան. ՏԵՍԱՆՅՈՒԹ
Խոշոր ավիաընկերություններ Սիրիայում հնարավոր հրթիռային հարվածների ֆոնին դադարեցրել են թռիչքներն այդ տարածքով
Քաղաքականություն
13.04.2018 | 13:11
Սիրիայում հնարավոր հարվածների ֆոնին խոշոր ավիաընկերություններ նախընտրել են փոխել իրենց երթուղիները, ինչի հետևանքով ծանրաբեռնված երթուղիները դատարկվել են, տեղեկացնում է rbc.ru-ն՝ հղում անելով The New York Times-ին:
Ավիափոխադրումների անվտանգության հարցերով եվրոպական գործակալության ներկայացուցիչը հայտնել է, որ ապրիլի 10-ից ավիաընկերություններին Սիրիայի ուղղությամբ հնարավոր հարվածները հաշվի առնելու առաջարկը խորհրդատվական բնույթ է կրել, բայց, այնուամենայնիվ, խոշոր ավիաընկերությունները նախընտրել են չօգտվել Սիրիայի տարածքով անցնող ծանրաբեռնված երթուղիներից:
Մասնավորապես՝ իրենց երթուղիներն են փոխել Air France-ը, Lufthansa-ն և EasyJet-ը, Kuwait Airways-ը, Middle East Airlines-ը:
Հիշեցնենք, որ Միացյալ Նահանգների նախագահ Դոնալդ Թրամփն իր թվիթերյան էջում գրառում էր կատարել, որով տեղեկացրել էր, որ պատրաստվում է Սիրիայում հրթիռ արձակել: «Ռուսաստանը խոստանում է խոցել Սիրիայի դեմ ուղղված բոլոր հրթիռները: Պատրաստվիր Ռուսաստան, քանի որ դրանք՝ նոր և «խելացի» հրթիռներ են: Դու չպետք է գազով սպանող կենդանուն (նկատի ունի Բաշար Ալ Ասադին- Factor.am) գործընկեր լինեիր, որը սպանում է սեփական ժողովրդին ու դրանից հաճույք ստանում»,- գրել էր Թրամփը:
