09.04.2026 | 23:32
Պուտինը հայտարարել է «զատկական հրադադար»
Պատրաստվի՛ր Ռուսաստան. Թրամփը պատրաստվում է Սիրիան հրթիռակոծել
Քաղաքականություն
11.04.2018 | 18:02
Միացյալ Նահանգների նախագահ Դոնալդ Թրամփն իր թվիթերյան էջում գրառում է կատարել, որով տեղեկացնում է, որ պատրաստվում է Սիրիայում հրթիռ արձակել:
«Ռուսաստանը խոստանում է խոցել Սիրիայի դեմ ուղղված բոլոր հրթիռները: Պատրաստվիր Ռուսաստան, քանի որ դրանք՝ նոր և «խելացի» հրթիռներ են: Դու չպետք է գազով սպանող կենդանուն (նկատի ունի Բաշար Ալ Ասադին- Factor.am) գործընկեր լինեիր, որը սպանում է սեփական ժողովրդին ու դրանից հաճույք ստանում»,- գրել է Թրամփը, ի պատասխան Լիբանանում Ռուսաստանի դեսպան Ալեքսանդր Զասիպկինի հայտարարությանն առ այն, որ ԱՄՆ ագրեսիայի դեպքում Ռուսաստանն իրեն իրավունք կվերապահի ոչնչացնել Սիրիայի վրա արձակված հրթիռներն ու կրակի աղբյուրները:
Մեկ այլ գրառմամբ նախագահ Թրամփը հայտարարել է, որ այժմ, առավել քան երբևէ, ռուս-ամերիկյան հարաբերությունները վատ են. «Այս հարաբերություններն իրենց մեջ ներառում են սառը պատերզմ: Դադարեցրե՛ք սպառազինությունների մրցավազքը»:
Ավելի վաղ, ԱՄՆ նախագահ Դոնալդ Թրամփը մեղադրել էր Ռուսաստանին և Իրանին Սիրիայի առաջնորդ Բաշար ալ-Ասադին աջակցելու համար: Նշենք, որ տեղեկություն էր տարածվել, ըստ որի՝ ԱՄՆ-ը քիմիական հարձակման է ենթարկել սիրիական Դումա քաղաքը:
