26.11.2024 | 23:20
Ադրբեջանում պահեստազորի սպաները բողոքի ակցիա են անցկացրել՝ պահանջելով իրենց հասանելիք վճարումները
Բելառուսի ԱԳ նախարարը շնորհակալություն է հայտնել Բաքվին՝ Բրյուսելում ցուցաբերած դիվանագիտական աջակցության համար
Քաղաքականություն
17.12.2021 | 20:23
Ադրբեջանի ԱԳ նախարար Ջեյհուն Բայրամովը և Բելառուսի ԱԳ նախարար Վլադիմիր Մակեյն այսօր հեռախոսազրույց է տեղի ունեցել, հաղորդում են ադրբեջանական լրատվամիջոցները։
«Կողմերը կարծիքներ են փոխանակել Ադրբեջանի և Բելառուսի միջև համագործակցության արդիական հարցերի շուրջ, ինչպես նաև քննարկել երկկողմ համագործակցության զարգացման հեռանկարները»,- ասվում է Ադրբեջանի ԱԳՆ հայտարարության մեջ։
Նշվում է նաև, որ Մակեյը հեռախոսազրույցի ընթացքում իր շնորհակալություն է հայտնել Բաքվին՝ Բրյուսելում տեղի ունեցած Արևելյան գործընկերության երկրների գագաթնաժողովի արդյունքներով ընդունված համատեղ հռչակագրում Բելառուսի հետ կապված կետի շուրջ Ադրբեջանի դիրքորոշման համար։
Հավելենք, որ դեկտեմբերի 15-ին Բրյուսելում կայացած Արևելյան գործընկերության գագաթնաժողովի արդյունքներով ընդունված հռչակագրի 11-րդ կետին, որը վերաբերում է Բելառուսում տիրող իրավիճակին, Ադրբեջանը չի միացել։
Էմմա Չոբանյան
