09.08.2026 | 13:13
Դաշտավանում ծեծկռտուք է եղել․ մասնակիցները հարվածել են քարերով, մահակներով և կռփազենքով
Արգելվելու է ինքնակամ կառույցների օրինականացումը, դրանք ենթակա են լինելու քանդման․ ԱՆ տեղակալ․ ՏԵՍԱՆՅՈՒԹ
Հասարակություն
16.12.2021 | 14:43
ԱԺ արտահերթ նիստում Հայաստանի Հանրապետության քաղաքացիական օրենսգրքում փոփոխություններ և լրացումներ կատարելու մասին և հարակից օրենքներում փոփոխություններ կատարելու մասին օրենսդրական փաթեթը ՀՀ արդարադատության նախարարի տեղակալ Երանուհի Թումանյանց:
Նրա խոսքով՝ օրենսդրական այս փոփոխությունների հիմնական նպատակը ինքնակամ շինարարության դեմ առավել արդյունավետ իրավական մեխանիզմների նախատեսումն է:
«Արգելվելու է ինքնակամ կառույցների օրինականացումը, դրանք ենթակա են լինելու քանդման»,- նշեց փոխնախարարը՝ հավելելով, որ ինչ վերաբերում է մինչև օրենքի ուժի մեջ մտնելը կառուցված ինքնակամ կառույցներին, ապա դրանց նկատմամբ կիրառվելու են մինչօրենսդրական գործող կարգավորումները:
Նրա խոսքով՝ մինչև օրենքի՝ ուժի մեջ մտնելը կառուցված ինքնակամ շինությունների օրինականացման նպատակով անհրաժեշտ է լինելու միայն դրանք հաշվառել Կադաստրի կոմիտեում:
Խոսելով 2022 թվականի հունվարի 1-ից առաջ կառուցված ինքնակամ շինությունների մասին՝ Թումանյանցը տեղեկացրեց, որ Երևանում դրանց հաշվառումը պետք է իրականացվի մինչև 2023 թվականի հունվարի 1-ը: Մյուս քաղաքներում կառուցված ինքնակամ շինությունների հաշվառումը պետք է իրականացվի մինչև 2024 թվականի հունվարի 1-ը: Գյուղական համայնքներում էլ գործընթացը պետք է իրականացվի մինչև 2025 թվականի հունվարի 1-ը:
Մանրամասները՝ տեսանյութում:
