16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
ԱՄՆ-ը պատրաստ է դիվանագիտական միջոցներով կանխել Չինաստանի հետ հակամարտությունը․ Բլինքեն
Քաղաքականություն
14.12.2021 | 15:42
ԱՄՆ-ը լի է վճառականությամբ՝ իրագործել նախագահ Ջո Բայդենի և Չինաստանի ղեկավար Սի Ցզինպինի միջև ձեռք բերված պայմանավորվածությունները՝ կանխելու երկու երկրների միջև հակամարտությունը։ Այս մասին Ինդոնեզիա կատարած այցի շրջանակում Ջակարտայում հայտարարել է ԱՄՆ պետքարտուղար Էնթոնի Բլինքենը, գրում է swissinfo-ն։
«Նախագահ Բայդենն ասել է նախագահ Սիին, որ մենք խորը պատասխանատվություն ենք կիսում այն բանի համար, որ մեր երկրների միջև մրցակցությունը հակամարտության չվերածվի։ Դիվանագիտությունը նախկինի պես լինելու է մեր առաջին օգնության գործիքն այդ պատասխանատվության իրականացման գործում՝ ապահովելով այն, որ հակամարտության ներուժը տարածաշրջանում նվազագույնի հասցվի»,- ասել է Բլինքենը։
Նա նաև ասել է, որ ԱՄՆ-ն աշխատում է գործընկերների ու դաշնակիցների հետ, որ «տարածաշրջանը մնա բաց և բոլորի համար հասանելի»։
«Մենք վճռական ենք՝ ապահովելու ազատությունը Հարավչինական ծովում և անփոփոխ կերպով շահագրգռված ենք կայունությամբ ու խաղաղությամբ Թայվանի նեղուցում»,- նշել է Բլինքենը։
Որպես օրինակ՝ ԱՄՆ պետքարտուղարը ներկայացևել է Ավստրալիայի և Մեծ Բրիտանիայի հետ եռակողմ գործընկերությունը։
«Այն վառ օրինակ է, մեր ռազմավարական շահերն է առաջ մղելու, աջակցելու է միջազգային կարգուկանոնին՝ հիմնված կանոնների վրա ու նպաստելու Հնդկախաղաղօվկիանոսյան տարածաշրջանում խաղաղությանն ու կայունությանը»,-հայտարարել է Բլինքենը։
Էմմա Չոբանյան
